27 de mayo de 2019
27.05.2019

O renacemento dunha árbore

27.05.2019 | 05:48

Era un vello cedro do Líbano unha árbore senlleira que sempre o lembramos aí coma un vello amigo facéndonos compaña con sombra no verán e protexéndonos da choiva na invernía, refuxio dos paxaros que facían o niño nas pólas.

Pero como a todos, un día chegoulle o seu fin, pero pola maxia dun artista da madeira Santi Castro renaceu como un trasno sorrinte que quere ser como Van Gogh, e alí no lugar máis axeitado no xardín da facultade de Belas Artes cos brazos abertos e co sorriso nos beizos, co pincel na man na compaña do violinista Quiroga e do pintor Díaz Pardo dalle a benvida a estudantes e veciños e déixase retratar como se foxe unha estrela.

É boa idea darlle unha segunda vida ás árbores que coñecemos e que sempre estiveron ao noso carón facéndonos compaña, na infancia eran o noso refuxio e queriamos coma os paxaros vivir nas súas polas, abrazámolas e marcamos un corazón no seu toco no tempo de namorar e ollamos como mudan de cor nas estacións do ano. As árbores nas cidades acércannos á natureza e rexeneran o aire, embelecen barrios e rúas,e son imprescindibles para mellorar a nosa calidade de vida, e algunhas merecen unha segunda vida para non esquecelas.

Pola nosa cidade sempre andaron trasnos aínda que nós non os vexamos só se deixaban ver polo dibuxante Agustín Portela a quen lle contaban historias que el debuxaba. Hai unha lenda negra que di que foron eles os que puxeron unha industria contaminante na ría,que taparon o tramo urbán do Gafos,que levaron as galiñas do monumento do Mercado, que lle roubaron o bastón a Valle Inclán, que arrincaron o laranxo que nomea a rúa, que perderon unha fonte de ferro de Sesmeros, cambiaron a estatua de Ravachol, que votaron os estorniños do magnolio da Casa dos Muruais,etc. Como decía miña avoa, "Deus nos dea ter a quen poder botarlle as culpas!". Os trasnos contábanos Portela son seres entrañábeis que andan entre nós facéndonos a vida máis feliz. Noraboa a Santi Castro por lembrarse deles e ter a sensibilidade de adicarllo a Gerardo, un amigo que xa non está entre nós.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2018/2019

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2018/2019 .