17 de agosto de 2017
17.08.2017

O efecto do absentismo estatal

17.08.2017 | 03:04

Verbo do patrimonio -cultural e natural- de España e de Galicia en particular, lembrarei que somos xente privilexiada por posuilo á vez que algo inxenua por obviar ameazas que penden sobre o mesmo coma espada de Damocles.

O encanto e a magnitude do noso patrimonio semella evidente a calquera observador, sendo tamén valor internacionalmente recoñecido pola Unesco que sitúa a España no primeiro posto do ranquin mundial en Reservas da Biosfera (con 48 reservas) e no terceiro posto en Patrimonio da Humanidade (44 sitios), só por detrás de Italia (49) e China (45).

Tan colosal stock natural/cultural revalíase aínda máis por térmolo perto ou inserido en núcleos urbáns e acubillado por unha tradición milenaria de achega libre e gratuita, circunstancia que cómpre calificar de "ventureira" por canto supón de disfrute democrático de bens que arriquecen a sensibilidade e intelixencia dos humáns. Bens que, en contraparte, aloxan elevado risco de sufrir impactos antropoxénicos. E daquela sobran coñas.

Subliñaría tres grupos humáns causantes de impacto e os motivos que o explican.

1) Os delincuentes que a Policía adoita arrestar unha e outra vez ao cachalos in fraganti en delitos menores. Trátase de xente que namáis entrar a chirona sae libre, simplemente porque a nosa poboación reclusa triplica a capacidade das nosas cárceres e obriga ao sistema penitenciario a evita-lo facinamento facendo cos presos máis xiereiros á permanencia sexan os máis perigosos. Asemade os xuices tamén asumen que neste intre histórico o clima social no interior dunha cárcere non axuda a reinsertar senón todo o contrario, emporiso o sistema topa neste argumento un motivo adicional para xustifica-la posta en liberdade dos roubagaliñas. O certo é que o modus operandi estatal aforra ao Estado moreas de cartos necesarios para edificar novas cárceres. Aforro conquerido a conta de acrece-la inseguridade cidadán sen implementar de forma proporcional o gasto en vixilancia profesional da espazo público.

2) Os tolos -nome que a gramática política suaviza chamándolles doentes mentais- que topamos fluctuando por rúas e prazas e que se tiveran vivido antes da 2ª GM residírían en manicomios -nome que a semántica suaviza tamén coa palabra frenópatico- pois que os psiquiatras aseguran que as doenzas mentais curan mellor -ou empeoran menos- cando os doentes andan mixturados coa xente normal. Emporiso o sistema sanitario tamén obtén forte aforro económico ao prescindir do persoal necesario para acompañar full time a doentes de maxín.

3) Os turistas vandálicos -mínima minoría do turismo total-, que planean a vacación estival ao xeito dos futboleiros ultra que fan camorra tralos partidos de fútbol. O caso é que se agrede patrimonio e ben se ven as carencias educativas dos anglosaxóns no asunto do consumo intelixente de viño ou o nulo aprecio que prestan ao factor socializante do viño cando se sabe beber e que, por contraste, a nosa xente maior ten aprendido xa dende o berce.

En resumo: visto que hai motivos para que o Estado aplique a fondo a normativa legal que afogue os chispazos de vandalismo cultural e as reaccións ilegais inducidas. E visto que dende hai un lustro o problema medra á par que a resposta estatal míngoa, gostaríame que a clase política teña conciencia do problema e lle poña a proa con decisión facendo operativa á lei e así poder evitar polas boas que xente malvada, tola, borracha ou fanática machuque cruceiros de pedra en Carril e Cambados ou que paramiltares de Arran apliquen xustiza de kale borroka.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2018/2019

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2018/2019 .