20 de noviembre de 2008
20.11.2008

Probas Celga 4

Casilda González Rodríguez,
Ponteareas

20.11.2008 | 01:00

O sábado 15 de novembro acudín á Escola Oficial de Idiomas de Vigo para realizar as probas do Celga 4. Xa na entrada constatei que a maioría eramos corentóns-onas e cincuentóns- onas, aqueles que tivemos a desgraza de non recibir a formación en galego, pero que sempre o falamos, respectamos e que agora debemos acreditar mediante un certificado. En contra do que me contaran acerca do exame e da opinión doutros-as compañeirosas, persoalmente, non me resultou moi difícil a proba e o tempo chegoume dabondo. Porén, pareceume inxusto a imposición de 400 palabras nas probas escritas, falamos de cantidade ou calidade? Mais,a pesar da presión que iso conleva, pois fixeron moito fincapé para que o tiveramos en conta,aínda o podía tolerar.O peor de todo é cando te atopas que non tes espazo suficiente para escribir as palabras restantes e sentes impotencia ante a imposibilidade de recibir outra folla.Polo tanto, pido a quen lle corresponda que na próxima convocatoria teñan en consideración a caligrafía de cadaquén, nos incrementen uns céntimos as taxas e coloquen outro folio en cada unha das probas escritas. Exposta a miña petición, e amparándome na igualdade de dereitos e deberes, que "segundo a lei nos corresponde", quero exteriorizar o meu desexo solidario: que todos os políticos, antes de formar as candidaturas para as próximas eleccións autonómicas, se sometan ó mesmo tipo de avaliación e demostren que están á altura das circunstancias para ocupar un cargo público. Non se emperrenchen comigo, pero preciso utilizar a retranca que tanto nos caracteriza, ja, ja, ja... cantas cadeiras ían quedar baleiras! Fai un par de semanas o dicionario da nosa lingua converteuse na miña mascota e cantas veces me confundiron, tendo que recorrer ó mesmo para asegurarme de que as palabras pronunciadas no Parlamento, TVG... non eran as correctas. Remato compartindo parte dos meus coñecementos recentemente adquiridos.Tomen boa nota e lembren: cando se desorienten, utilicen o compás; se teñen que facer un buraco na parede vaian buscar o trade; para facer lume usen as garabatas; vai frío, coidado coas frieiras; almorcen ben e non fagan xaxún; non fagan moitos esforzos físicos, non vaia ser que collan maniotas; non teñan as lámpadas acesas, hai crise; se posúen ferro de pasar, non se deiten nas sabas engurradas; esperten cedo, non sexan nugalláns que a vida é moi dura .En fin, que non nos esbouren as tempas.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

Enlaces recomendados: Premios Cine