Tomiño

Si imos falar de Tomiño, famoso polos seus viñedos, pero menos famoso polas súas carencias. Son veciño de Goián, e como moita xente utilizo os servizos que me ofrece o concello.

Centro de saúde; ao ser de Goián non temos que acudir a dito centro xa que temos consultorio, pero o problema é que teño un fillo, incrible verdade nestes tempos cun fillo. O rapaz ten 13 meses e contan as lendas que no centro de saúde de Tomiño existe un pediatra, contan as lendas, por iso, son lendas. O pobre doutor que alí está di ser Pediatra, ah pero non ten titulación, ninguén repararía niso se o pobre doutor soubese algo de medicina. Agora nos diagnósticos e bo, as enfermidades dos cativos corresponden coa zona onde vives, aí existe un virus que o que está a facer estragos no teu pequeno, ou se non ten dentes e por mor dos dentes, e aínda por riba tiña unha enfermeira que sabía máis que o pobre doutor e dun día para outro din que de-

sapareceu, agora nas revisión tratan os nenos (quede claro que falo por min), coma se fosen unha persoa que acude ao médico a procura de receitas (bos días e ata maña). Menos mal que agora cambiamos de goberno nesta vila, pero para sorpresa de todos o poder da cadeira do alcalde e moi forte e ten ese sospeitoso poder de esquecemento das cousas. Solución aplicable, levar ao neno a un pediatra especializado (de pago claro está), unha enquisa en Tomiño aseguraría que o 80% da xente leva os seus fillos ao pediatra de pago, incluíndo a alcaldesa.

Escolas infantís. Nesta vila dispomos dunha escola infantil (pública), non temos ningunha privada, esta escola infantil, a pesar de non ter servizo de comedor, está moi ben, porque se asemella a unha película de suspense (a espera da chamada para que acepten ao teu fillo), menos mal que van facer outra, contan as lendas. Solución unha escola de pago.

Non me vou extender máis xa que estou limitado, (quen sabe se algún día escribo un libro sobre esta vila). Grazas por acoller a miña carta.