Obradoiro en Barciademera para conectar coas herbas
fitoterapia
y Será unha xornada para aprender a identificar e usar plantas medicinais
A primavera chega tamén en forma de aprendizaxe. A Fundación Eomaia organiza o vindeiro 25 de abril, entre as 11.00 e as 14.00 horas, un obradoiro de Plantas Medicinais de Primavera «Botiquín Natural «na Sala de Barciademera, en Covelo.
A actividade propón un achegamento práctico ao uso de especies vexetais comúns nesta estación, co obxectivo de crear un pequeno botiquín natural.
Durante a sesión, as persoas participantes aprenderán a recoñecer plantas medicinais da contorna e a elaborar preparados sinxelos para limpar e activar o sistema hepático, así como para coidar e nutrir a pel de maneira natural. O encontro está pensado como un espazo para observar, experimentar e integrar ferramentas de benestar no día a día.
O obradoiro combina coñecemento tradicional e prácticas accesibles para quen desexe dar os primeiros pasos no uso responsable das plantas.
A inscrición ten un prezo de 10 euros por persoa, e pode formalizarse no teléfono 618 788 163.
A actividade será impartida por Vanesa Perozo Comesaña.
- Crecer en paz, dereito ou oportunidade?
- O Concello de Gondomar impulsa programas para maiores de 65
- Historia, tradición e sabor á beira do Miño
- Nigrán fecha o mes de xullo festexando ao seu patrón, San Fiz
- As mulleres cazadoras protagonizan unha xornada simbólica
- O CrossFit rompe barreiras nas comarcas
- O deporte base de Salceda brilla nos torneos internacionais de Portugal
- Música e ocio danse a man en Salceda de Caselas
