A afamada artista Lula Goce pintará o mural de A Doca
arte urbano
y A obra será o resultado dun proceso participativo que implicou a escolares, asociacións e veciños da vila
Presentación do mural de Lula Goce no espigón. | // D.P.
A artista Lula Goce, baionesa de recoñecido prestixio internacional, será a encargada de executar o mural do espigón de A Doca de Baiona xunto co seu equipo. A presentación tivo lugar no salón de Plenos do Concello de Baiona nun acto que reuniu a representantes institucionais, colectivos e entidades da vila.
O mural recollerá os resultados do estudo elaborado pola consultora cultural Zemos98 no marco dun amplo proceso participativo no que tomaron parte escolares, asociacións, colectivos e veciños que contribuíron a definir o contido e o espírito da obra.
Ao acto asistiron o presidente de Portos de Galicia, José Antonio Álvarez; o director territorial noroeste do banco Sabadell, Adolfo García-Ciaño; o alcalde de Baiona, Jesús Vázquez Almuiña; o seu equipo de Goberno, e representantes de distintos colectivos e entidades da vila.
Portos de Galicia, o Concello de Baiona e a Fundación Sabadell mostraron o seu entusiasmo por contar cunha artista de altísimo nivel e veciña de Baiona para deixar a súa pegada nun lugar tan emblemático.
- Crecer en paz, dereito ou oportunidade?
- O Concello de Gondomar impulsa programas para maiores de 65
- Historia, tradición e sabor á beira do Miño
- Nigrán fecha o mes de xullo festexando ao seu patrón, San Fiz
- As mulleres cazadoras protagonizan unha xornada simbólica
- O CrossFit rompe barreiras nas comarcas
- O deporte base de Salceda brilla nos torneos internacionais de Portugal
- Música e ocio danse a man en Salceda de Caselas
