Mos alza a voz contra as violencias machistas invisibles
Mural participativo polo 25N en Mos. | // D.P.
O Concello de Mos conmemorou o 25N, cunha xornada marcada pola chamada colectiva a identificar e combater as violencias invisibles que seguen presentes na sociedade. A mañá comezou cun obradoiro dirixido á mocidade, centrado no control, a manipulación emocional ou a presión estética. Durante a actividade, elaborouse un gran mural participativo sobre 25 metros de lona, onde se recolleron mensaxes de rexeitamento da violencia machista. Ademais, instaláronse bandeirolas e dous quilómetros e medio de cinta simbólica para visibilizar esas violencias.
A mediodía mediodía leuse o Manifesto do 25N e fíxose un minuto de silencio polas 38 mulleres asasinadas este ano e polos 65 menores vítimas de violencia vicaria. A alcaldesa, Nidia Arévalo, insistiu na unidade social: «Mos abre os ollos ás violencias invisibles. Hai compromiso e valentía».
O Concello lembrou tamén o labor anual do CIM, con máis de 400 atencións e 303 sesións psicolóxicas, así como a incorporación da Policía Local ao sistema VIOGEN. As actividades do 25N rematan hoxe co espectáculo Sophie non é o meu nome de guerra, de Redrum Teatro, ás 20:00h no Centro Dotacional de Torroso.
- Redondela leva a maxia do Nadal ás súas trece parroquias
- A música toma Salceda en novembro
- Redondela di «ante a violencia machista, resposta universal»
- Fin de semana teatral en Tomiño, con espectáculos premiados
- Covelo dá a benvida ao Nadal cun mes cheo de tradición, cultura e solidariedade
- Arantei dá a benvida ao viño novo
- Tofu cobrará vida este ano: así é o videoxogo que nace en Arbo
- Tui, capital cultural para celebrar 800 anos
