Unha semana de acampada para os nenos e nenas de Baiona

Un grupo de cincuenta nenos e nenas de Baiona disfruta da Semana Verde no Camping Baiona Playa situado na praia de Ladeira.

A iniciativa, promovida polo Concello de Baiona, busca achegar á cativada á contorna natural da vila a través dunha estancia dunha semana chea de «aventuras e aprendizaxes».

Os rapaces alóxanse nas cabanas e bungalós do camping, que ademais este ano conta cunha renovada zona acuática onde refrescarse e divertirse.

Entre as actividades previstas, está unha saída didáctica aos petroglifos, co fin de ensinar sobre a cultura e a historia da rexión.

Dende o goberno local destacan que «tamén é unha forma de axudar á conciliación das familias».