A Feira do Viño regresa ao Rosal do 18 ao 20 de xullo
enoloxía
y A Praza do Calvario acolle a XXXIII edición desta celebración
A Feira do Viño do Rosal é un dos grandes eventos de verán na raia.
d.p.
Este verán O Rosal volverá cheirar a tradición, a viño e a festa compartida. A XXXIII Feira do Viño do Rosal celebrarase do 18 ao 20 de xullo na Praza do Calvario, epicentro dunha cita organizada polo Concello e a Confraría dos Cabaqueiros do Viño do Rosal que cada ano reúne a viticultura, a gastronomía e a identidade da comarca do Baixo Miño.
Nesta edición, ademais, o Concello do Rosal e a Cámara Municipal de Caminha chegaron a un acordo de colaboración que permitirá evitar que a Feira do Viño coincida co Artbeerfest luso, dando así resposta a unha demanda recorrente entre a veciñanza transfronteiriza.
«Este ano ninguén terá que escoller entre unha festa ou outra. Traballamos para facilitar que a nosa xente poida gozar de ambas celebracións e, ademais, reforzamos os lazos entre dous concellos irmáns unidos polo río», como sinalou a alcaldesa rosaleira, Ánxela Fernández Callís.
A rexedora destacou que este acordo é un paso máis nun camiño conxunto que busca «sumar, colaborar e construír un futuro mellor para a veciñanza miñota. Queremos un territorio vivo, dinámico e coidado, e iso pasa tamén por entender que xuntos chegamos máis lonxe», engadiu.
A Feira do Viño do Rosal converterase un ano máis nun escaparate privilexiado dos mellores caldos da Denominación de Orixe Rías Baixas, nunha contorna pensada para o desfrute da veciñanza e das persoas visitantes. A música, a cultura, os produtos locais e a tradición vitivinícola daranse a man durante tres días que prometen deixar pegada.
- Aurelio Rojas, cardiólogo, recomienda este cambio cuando salgas a caminar: «Es como pasar de ver la tele a entrenar tu sistema cardiovascular»
- Si ves una cría de pájaro caída del nido, no la cojas: esto es lo que dice la Sociedad Española de Ornitología
- Andrés Millán, abogado laborista: «Nunca me jubilaría 24 meses antes, como mucho lo haría 19 o 20 meses antes»
- Vuelos ya cancelados y billetes «trampa» en Santiago: despega la operación cierre de Lavacolla
- Antonio Guerrero, gastroenterólogo: 'El cáncer de hígado es asintomático, pero una simple ecografía puede salvarte la vida
- Un tiktoker logra acceder a la Isla de Toralla y muestra a sus seguidores lo que nunca se ve: «Qué locura»
- Devuelve la cartera de un joven de Aldán con el dinero que tenía para viajar a Tenerife: «¡Personas que son ángeles!»
- Su hija se corta el pie en una piscina de Samil: «El socorrista me dijo que le había pasado a otros niños, pero aún no se arregló»
