Aceba
Os comerciantes de Baiona organizan a súa tradicional cea medieval
Será hoxe, no Parador, con 150 invitados
l. c.
A Asociación de Comerciantes e Empresarios de Baiona (Aceba) retoma este ano a celebración da súa tradicional cea medieval. Logo de dúas edicións sen poder realizarse por mor da COVID, esta noite, no Parador de Baiona, terá lugar a vixésimo terceira edición deste evento que coincide con 26 aniversario da asociación.
Asistirán uns 150 comensais, ataviados con vestimentas propias da época medieval, e degustarán un menú composto por caldiño de Pedro Madruga, asado de cabrito lechal con fritos de cabaza, empanada de raxo, froita do Monte Real e degustación de doces do medievo, todo acompañado con viño e auga das Pasasiñas. Tampouco faltarán produtos típicos locais como os ñoclos de Pinzón, as rosquillas Cristaleiro, a tarta de Sarmiento e o plan dos clérigos.
O grupo Malatitsch recibirá aos asistentes no salón medieval e realizará diversas actuacións entre prato e prato, contando tamén cun presentador encargado de amenizar a noite.
Entre as autoridades asistentes están o alcalde de Baiona, Carlos Gómez e Jesús Vázquez Almuíña, presidente do Porto de Vigo.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- Arbomostra volve abrir os días 26, 27 e 28 de abril
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- O epicentro do atletismo comarcal está no Porriño