A praia de Arealonga, en Chapela, acollerá entre os días 27 de xuño ao 3 de xullo as xornadas de iniciación ao waterpolo “Waterpolo no mar” organizadas pola Escola de Waterpolo Vigo en colaboración coa Concellería de Deportes.
A actividade, que se realizará en horario de 12.30 a 18.00 horas, está dirixida a nenos e nenas con idades comprendidas entre os 7 e 12 anos e busca fomentar a práctica deste deporte considerado polos expertos como idóneo para a infancia xa que axuda coa forza, a resistencia, a coordinación, o equilibrio e a velocidade.
Patina na rúa
Doutra banda, o día 19 de xuño, organizado polo Club Patinaxe Artístico Bolboreta de Redondela e coa colaboración da Concellería de Deportes, a Xunqueira acollerá a partir das 18.00 horas unha actividade que busca espertar na rapazada a afección pola patinaxe.
