O Concello de Arbo volverá celebrar unha festa especial para homenaxear aos matrimonios do municipio que levan 50 anos casados. A cita será este verán e nela terán recoñecemento todos os matrimonios que teñan celebrado as súas vodas de ouro entre o 31 de xullo de 2021 e o 31 de xullo de 2022.

As parellas que reviviran xa ou vaian revivir o seu casamento entre esas dúas datas poden anotarse nas oficinas municipais do Concello de Arbo para a homenaxe que se vai a celebrar o vindeiro sábado, 6 de agosto.

Con todo, tamén se poderán anotar para esta celebración todas aquelas parellas que acadaron os 50 anos de matrimonio o ano pasado e non festexaran esta festa do pobo de Arbo aínda. A data limite para anotarse será ata o vindeiro 15 de xullo.