O Concello de Cerdedo-Cotobade deseñou unha programación para Nadal que inclúe para hoxe, ás 19.00 horas, no Centro Cultural de Cerdedo, a obra de teatro “Mestre ma non troppo”. Mañá, ás 18.00 horas, o Centro Sociocultural Tenorio acollerá a obra “Merenda con pan de millo”.
O luns, 20 de decembro, Papá Noel visitará os centros educativos do concello.
O xoves 23, o pavillón de deportes de Carballedo acollerá unha festa infantil ás 17.00 horas.
O domingo 26, o Centro Cultural de Cerdedo será escenario, ás 18.30 horas, do Concerto de Nadal da Banda de Música de Cerdedo. Ás 19.30 horas, a Banda de Música de Tenorio dará un concerto no Centro Sociocultural de Tenorio.
A casa consistorial Carballedo acollerá obradoiros de Nadal con cestería, ás 17.00 horas, do 27 ao 30 de decembro.
O Centro Cultural de Cerdedo acollerá o 28 o teatro musical “O Soño dos Golfiños”, ás 19.00 horas. E no mesmo lugar, o día 29, ás 19.30 horas, Festival de Nadal da Escola de Música de Cerdedo.
O 30 de decembro o pavillón municipal terá Festa Infantil desde as 17.00 horas e o 3 de xaneiroo Apalpador visitará Borela, ás 13.00 horas.
O 5 de xaneiro, os Reis Magos percorrerán as parroquias de 10.00 a 13.45 horas e, pola tarde, desde as 17.00 horas, cabalgata nas rúas ata o pavillón de deportes.
