Suso Carrola é distinguido polo seu labor altruísta

Jesús González Pexegueiro, máis coñecido no Porriño como Suso Carrola é distinguido pola Xunta de Galicia co distintivo de Permanencia de Protección Civil de Galicia por superar os 25 anos de servizo público.

Neste caso en concreto son 31 anos de traballo altruísta, servindo de xeito desinteresado ao seu pobo e a cidadanía en xeral, dende que nos 90 entrara na Agrupación de Voluntarios de Protección Civil de Porriño e da que, actualmente, é presidente, coordinando un grupo de 14 persoas voluntarias que asisten a prestar apoio tanto a actividades culturais e de lecer, como a accidentes e outras intervencións do día a día.

Aos seus 52 anos recibirá esta distinción do executivo autonómico que se suma a outras concedidas polas asociación nacional e provincial de Protección Civil.