Retiran 300 quilos de lixo da praia

Coa colaboración do festival Vive Nigrán e o Grupo de Acción Local do sector Pesqueiro Ría de Vigo-A Guarda, o Concello de Nigrán organizou o pasado sábado a derradeira xornada ‘Vive Sostible’ dedicada esta vez a retirar lixo mariño da Praia da Cansadoura, ao carón de Patos e onde nunca antes se intervira. Unha quincena de persoas recolleu máis de 300 quilos de lixo, fundamentalmente restos plásticos de botellas ou envoltorios pero tamén material de pesca (nasas, redes, estachas...), latas, restos de colectores e material de obra.