O Concello da Cañiza pon en marcha novos cursos formativos para nenas e nenos e para adultos neste curso 2021-2022. Escritura, pintura, francés, inglés, árabe, chinés ou preparación para Educación Secundaria Obrigatoria son algúns dos cursos ofertados. As inscricións xa están abertas na biblioteca municipal. A biblioteca cañicense está situada na rúa Progreso, número 21, no segundo andar. As persoas que desexen máis información sobre algún dos cursos poden chamar ao teléfono 986 66 30 69.
O prazo para participar no obradoiro de escritura estará aberto ata o 30 de setembro. Outra alternativa son os idiomas. O Concello da Cañiza informa da oferta de clases de francés, inglés, chinés ou árabe. As persoas interesadas en ampliar os seus coñecementos lingüísticos poden inscribirse até final de mes.
Unha opción máis e anotarse ao curso Abacus Kids 2021-2022, dirixido especialmente á cativada para que aprenda a sacarlle todo o partido ao ábaco. Os adultos teñen como alternativa tamén as clases de pintura. Igualmente se impartirán clases para superar a Educación Secundaria Obrigatoria (ESO).
