O vindeiro venres, 17 de setembro, ás 20.00 horas, a Praza do Reló da Guarda será o escenario para un concerto moi especial da man de O Teu Xacobeo, o do grupo Cuarteto Rastrelli, formado por Kira Kraftzoff, Sergio Drabkin, Kirill Timofeev e Misha Degtjareff.
O grupo traerá á Guarda o Programa “De Brahms aos Beatles” cun repertorio con cancións de recoñecidos artistas coma D. Popper, P. I. Tchaikovsky, E. Grieg, Peer Gynth ou J. Brahms, ademais de clásicos do “Libro de cancións dos Beatles“ como Yesterday, Sgt. Pepper’s Lonely Club Band, Things We Said, If I Fell, I Saw Her Standing There, e outros.
Para asistir é preciso inscribirse previamente na páxina web www.woutick.es. En caso de choiva o concerto terá lugar nos baixos da Casa dos Alonso.
