A Concellería de Igualdade de Redondela organiza “Verán con Simona”, un programa de conciliación de balde para os meses de xullo e agosto, de 09.00 a 14.00 horas, dirixido a cativos de entre 3 e 12 anos.
Poderase solicitar praza en Cesantes, Chapela, Cabeiro, Cedeira, Quintela, Redondela e Reboreda. O prazo estará aberto ata o luns 14 de xuño, nos rexistros municipais autorizados (presencial ou electrónico).
