Os concellos da Guarda, O Rosal e Soutomaior veñen de aprobar, inicialmente, nos últimos días os seus respectivos plans municipais de prevención e defensa contra incendios forestais. Fíxose en sesión plenaria e por unanimidade de todos os grupos que conforman as corporacións en cada un dos municipios.
O Plan Municipal de Prevención e Defensa contra Incendios Forestais elabórase co obxectivo de definir a rede de faixas secundarias de xestión de biomasa. O fin principal é o de reducir o risco de incendio e protexer a seguridade das persoas, para iso é necesario ter as franxas definidas e poder requirir a súa limpeza aos propietarios.
