O xurado do Club de debate da zona de Pontevedra declarou como segundo clasificado ao IES Illa de San Simón de Redondela. Os estudantes de terceiro e cuarto da ESO e de primeiro de Bacharelato participaron deste certame competindo con outros seis equipos de concellos de Pontevedra, Rianxo e outros veciños seus, o alumnado do IES Mendiño.
Nesta fase clasificatoria para a final, celebrada no Pazo da Cultura da cidade do Lérez, debateuse en torno ao tema "salvemos o planeta". O xurado, formado por cinco profesionais da lingua e da comunicación, declarou como gañadores ao equipo do IES Félix Muriel de Rianxo e ao do IES Illa de San Simón.
A fase final está programada para o sábado 16 de maio en Santiago de Compostela onde debateran a favor e en contra do tema "O futuro do galego está en nós". O equipo con máis puntuación terá como premio unha viaxe multiaventura de fin de semana.
