A Asociación de Comerciantes e Empresarios de Baiona (Aceba) volve adiantarse a Festa da Arribada coa celebración da súa xa tradicional cea medieval que terá lugar esta noite no Parador de Baiona. Con esta xa son vinte e tres as edicións desta cea de confraternidade na que os asistentes asisten ataviados con vestimentas medievais.
Asistirán preto de centro cincuenta comensais, os cales degustarán un menú composto por "Caldiño de Pedro Madruga", asado de cabrito lechal con fritos de cabaza, empanada de raxo, froita do "Monte Real" e degustación de doces do Medievo, todo acompañado con viño e auga das Pasasiñas. Tampouco faltarán os "Ñoclos de Pinzón", as Rosquillas Cristaleiro, a Tarta de Sarmiento e o sabroso "pan dos clérigos".
O grupo Malatitsch recibirá ós convidados na estrada do salón medieval e realizará diversas actuación entre prato e prato. Ademáis, un DJ amenizará a velada.
Entre os asistentes á cea están convidados o conselleiro de Sanidade, Jesús Vázquez Almuíña, o alcalde de Baiona, Carlos Gómez, e demáis membros da corporación.
