«Galicia ten unha das comunidades máxicas máis importantes de España»

O Mago Antón, con máis de 50 anos sendo un referente en Galicia, visitaba Meañofai días co seu espectáculo «A volta a Galicia en 313 concellos». A bordo de seu «magomóbil», un tráiler acondicionado para albergar espectáculo de maxia de preto en pequeno formato -con capacidade para 70 personas-, ofreceu en Meaño cinco funcións -todas elas gratuítas gracias a Agadic e o Concello-, dúas de mañán para encher cos rapaces da ludoteca municipal, e tres de tarde, abertas ao público familiar. Para a ocasión estivo acompañado por Xulio Merino que, natural de Vigo e aos seus 36 anos, ven de conseguir o primeiro premio de micromaxia no 41 Congreso Nacional de Magos de España celebrado fai xusto un mes en Santander.

Os magos non se xubilan nunca?

Antón: Non, os magos non nos retiramos nunca. No meu caso levo máis de 50 anos facendo maxia en galego, e iso da lingua é algo que levo moi dentro. Non cambiaría esos 50 anos vividos no mundo da maxia por nada do mundo. E manteño esa ilusión de seguir adiante. Xulio: Antón é un referente para todos magos galegos, eu diría que é como o pai para moitos de nós, e el segue aí á fronte, coa ilusión intacta, sempre inventando para plasmar novas ideas e crear máis números.

Cantos concellos leva xa visitando na súa «Volta a Galicia en 313 concellos»?

Antón: Moitos, a verdade é que non levo a conta. Non quixera dicir unha cifra moi alta que despois igual veñen os de Facenda a pedirme contas (risas).

Cando decide incorporar a un mago novo como Xulio Merino á súa «Volta a Galicia en 313 concellos»?

Antón: Coñecémos desde fai moitos anos, somos o que se di «compañeiros de viaxe», ademáis de amigos. E magos de nova xeración como el contribuen a que Galicia esté aí, en primeira liña da maxia, e levamos xa colaborando desde fai varios anos.

Case me pisa a seguinte pregunta: Cal é a saúde da maxia galega no panorama nacional?

Antón: Excelente. Fai uns meses celebrouse o Congreso Nacional de Magos en Santander, onde compartimos experiencias, amosamos o traballo e ata competimos. E Galicia regresou dese congreso con oito premios nacionais en distintas modalidades de maxia, o que supuxo case o traer para Galicia o 40 por cento dos premios que se outorgaban nese congreso, e esa é un lectura moi positiva. E un desos galardóns foi para Xulio Merino que foi galardoado co Primeiro Premio Nacional de Micromaxia. Iso de estar no primeiro nivel en España é algo moi importante que Galicia o saiba .

Que é a micromaxia?

Xulio: É facer números con obxectos minimalistas e cotiás: unhas cordas, un bol, esponxas, un vaso con auga, un coitelo de punta redonda… obxectos que todos temos pola casa.

Cantos magos se reuniron a fins de xuño no Congreso de Santander?

Antón: Éramos 45, deles 8 galegos, e os 8 viñeron cun dos tres primeiros premios. Son cifras extraordinarias. Xulio: En cartomaxia, Kiko Pastur e Óscar Fernández, foron segundo e terceiro; en maxia de salón, o coruñés Joshua Kenneth foi primeiro premio; en invención e perfeccionamento, gañou Marcos Valdemar, coruñés que ven revolucionando esta disciplina con centos de ideas marabillosas; en micromaxia, Víctor Noir e eu; en mentalismo, onde había un nivel altísimo, obtivo un terceiro premio Iago Saavedra; e unha mención especial que obtivo Nacho Samena.

A que se debe ese bo momento de maxia en Galicia?

Antón: En maxia tampouco as cousas non suceden porque sí. Isto é froito dun traballo de moitos anos. Concretamente, en 2006 unha chea de magos decidimos crear en Galicia unha Asociación de Magos Profesionais, con sede en Santiago, e desde aquela empezamos a poñer enriba a mesa un proxecto social e político, porque nós consideramos que a maxia é unha arte escénica, como o é o teatro, a danza, a música… En ningún lugar do mundo a maxia esta recoñecido como tal. Pero nós, en Galicia, desde aquela empezamos a traballar e conseguimos que a Xunta de Galicia nos recoñecera por primeira vez como a arte escénica que somos. Desde ese logro empezamos a entrar nas diferentes axudas que hai ás producción, traballando en pe de igualdade con outros, e desde 2021 estase apoiando a celebración de sete grandes festivais internacionais de maxia nas grandes cidades que enchen de público.

Xulio: Eu penso que se lograron importantes avances nas axudas, pero esos apoios aínda son dispares en comparación con outros, porque hai certo desdén coa maxia e co circo como arte escénica menor. Certo que na maxia estase a traballar moi ben en Galicia a prol desa igualdade, estamos no camiño, pero aínda falta moito por percorrer.

Cales son as vindeiras citas concertadas en que visitará a comarca de Arousa?

Antón: A mediados setembro estaremos en Vilagarcía e Sanxenxo cun espectáculo novo chamado «Caliostro». O vindeiro ano é o Xacobeo e con ese motivo concebimos un proxecto baseado no Camiño que presentamos á Xunta, que gustou e nos aprobaron para o vindeiros tres anos. É un espectáculo máxico-teatral, que parte dun cantar de cego, con protagonismo para o Camiño de Santiago e maxias tematizadas que resultan moi emotivas.

Que magos hai que seguir porque estar petando forte? Quizáis o mago Pop que está sendo un nome que soa moito agora entre o público…

Xulio: O mago Pop é un dos máis recoñecidos en España e seguimos con moito cariño a todo o que fai Antonio Díaz (mago Pop). Pero como ocorre con outras artes escénicas os que que máis se ven non sempre son os mellores, e hai moitos magos novos que veñen petando forte, que realizan cousas impresionantes e que están facendo medrar moito a maxia.

Antón, ten algún reto en mente como aquel mítico do fuxir do acuario cheo de auga no que se metía esposado?

Antón: O acuario acompañoume durante moitísimos anos a miña vida, e mesmo tiven algún accidente traballando con el, pero en todo caso o mago, na súa vida profesional, é como un corredor de fondo, e cando se sae da estrada ten que voltar a ela. Son etapas.

Xulio: Os magos somos moi imaxinativos, sempre estamos creando, ese o noso papel. E Antón é un dos máis creativos de mundo, el sempre está dándolle voltas a novas e fantásticas ideas, retos… É un aliciente traballar con el. Mesmo fai uns días visitábanos Elías De Sastre, un mago de Málaga que se atopa facendo turismo por estos lares e que ten interese por coñecernos, ao igual que fixo a semana pasada o valenciano Pedro Bryce, que ven de ser recoñecido como un dos mellores magos de España, e que está visitando a varios magos galegos, e ofreceu algunhas conferencias aquí, porque temos un dos mellores ambientes máxicos do mundo, e a nosa é unha comunidade máxica moi forte acolledora que todo mago de España quere coñecer.

Suscríbete para seguir leyendo