Tres días de festa reivindicativa de Orghullo Mar e Cons

Despois dunha intensa fin de semana na que o proxecto «Mar e Cons» amosou estar máis vivo que nunca, o colectivo Polari xa comeza a argallar o que será o vindeiro ano para encher o Portiño coas cores da diversidade. Ágata Millán é unha das integrantes deste colectivo que comezou a traballar hai xa tres anos e que xa está moi cerca de que o seu festival sexa unha visita obrigada cada verán.

Como e en que momento nace Polari?

Polari nace pouco antes do verán de 2023 ante a necesidade de crear espazos seguros, dar visibilidade a outras formas de vivir e de formar unha familia, e fomentar unha convivencia baseada no respecto. Nace,sobre todo, co fin de que todas as persoas podan sentirse libres e aceptadas nesta Illa.

Por que escolléstedes o nome de Polari?

O nome da asociación,Polari, fai referencia a unha lingua secreta utilizada antiguamente polas persoas do colectivo para poder comunicarse entre elas e non ser descubertas e perseguidas. Despois o Orghullo Mar e Cons nace dun xogo de palabras que representa tanto a Illa de Arousa como a parte do Colectivo

Unha vez creado Polari, como xurdiu o festival Mar e Cons?

O Orghullo Mar e Cons nace ao mesmo momento que o Colectivo Polari, e xurden as dúas ideas dunha reunion entre amigos que compartimos as mesmas inquietudes e que tiñamos moitas ganas de impulsar unha iniciativa que recoñecera e defendera os dereitos das persoas do colectivo LGTBIQ+ no noso pobo. Sabíamos de experinecias similares noutros puntos e cremos que na Illa tamén debería existir, e non dubidamos en dar o paso.

Levades catro anos de Festival, como pensades que está evolucionando e cal vai ser o seu futuro?

Cremos que cada vez temos máis tirón e estamos moi contentos coa acollida que ten tanto no pobo como pola xente que se achega desde outros lugares. Estamos evolucionando pasiño a pasiño, xa que sen perder o noso foco, darlle visibilidade a artistas da contorna e do colectivo creando un espazo onde toda persoa poda desfrutar libre de prexuizos. Este ano deseñamos un festival cargado de actividsades moi diferentes. Por exemplo, fixemos un bingo musical con premios proporcionados por negocios da Illa, tivo moi boa acollida. Tamén tivemos unha marcha pola diversidade subidos a un Chucu-tren, onde pincharon os DJs Naranja e Limón e recorremos as rúas da Illa para chegar todos xuntos ao Portiño e dar comezo aos concertos desa xornada. Particpou moita xente e foi unha das actividades máis comentadas.Por último, na noite do sábado puidemos traer o primeiro Show travesti na Illa de Arousa a cargo de Averío, que foi un auténtico espectáculo para todos os que se achegaron a O Portiño, qu xa nos pedían que volvesen para o ano que vén.

Polari na Illa, Gotas en Ribadumia, Desfoga en Cambados, … É difícil visibilizar o movemento LGTBIQ+ en municipios tan pequenos, onde se coñece todo o mundo?

En lugares pequenos pode resultar máis complicado, ainda así o apoio que recibimos da maioria do pobo danos forza pa seguir visibilizando a diversidade. Ainda queda camiño por recorrer pero, cada vez os veciños comprenden máis a necesidade de construir unha Illa na que todas as persoas po.dan sentirse respetadas, representadas e libres

Nesta sociedade que vive constantemente na hipérbole política, credes que se está involucionando tanto na percepción do colectivo como nos seus dereitos?

Si, actualmente o auxe da extrema dereita e os discursos de odio volven a cuestionar dereitos que parecian consolidados. Por este motivo é necesario seguir dando visibilidade a las personas LGTBIQA+ e crear espazos seguros. Non se pode permitir nin un paso atrás en todo o que se conseguiu en tantos anos de loita do colectivo.