Este libro trata sobre os principais acontecementos na historia do ADN, desde o seu descubrimento, no século XIX, até as investigacións máis recentes, nos albores do XXI. Tamén aborda a revolución biotecnolóxica desencadeada polo coñecemento da súa estrutura e pola capacidade de manipulalo case a vontade a partir dos anos setenta do século XX. Escrito nun estilo claro e ameno, o libro diríxese a un público amplo, sen necesidade de coñecementos previos da xenética, mais con curiosidade por achegarse a ela con rigor, fuxindo de simplificacións empobrecedoras.
