A historia de Elmer, que protagonizou máis dunha vintena de títulos editados en numerosos países, remóntase a 1968. David McKee (Reino Unido, 1935) paseaba pola súa cidade natal coa súa dona -de orixe anglo-india- e a filla de ambos cando, na outra beira da rúa, un rapaz aldraxou a nena. Coa influencia artística de Paul Klee, o autor preséntanos esta divertida criatura de cor "amarelo, laranza, vermello, rosa, violeta, azul verde, negro e branco" para ensalzar a tolerancia e o respecto polas diferenzas, afondar no autocoñecemento e na individualidade e destacar a importancia de ser un mesmo.
Un libro cheo de aventuras protagonizado por un elefante diferente.