O grupo coruñés Pirilampo homenaxea neste libro-disco a obra de Manuel María. "Teatro de Guiñol", con ilustracións do artista gráfico Iván R., presenta unha escolma dos versos máis retranqueiros e festivos do poeta. Os once temas que conforman o álbum musicados por Pirilampo son compilados dos poemarios "As rúas do vento ceibe", "Os soños na Gaiola" e "Terra Chá".O prólogo é obra de Xurxo Souto.