A concellería de Educación do Concello de Vigo, a través das súas escolas municipais de música, pon en marcha o programa "Música coa escola", co obxecto, un ano máis, de facer partícipes aos centros de ensino de primaria e secundaria da cidade da promoción e desenvolvemento de actividades artísticas e creativas relacionadas coa música.A data tope para presentar solicitudes será o venres 22 de xaneiro.
O programa, do que xa teñen coñecemento os centros educativos públicos e concertados da cidade, está dirixido ao alumnado de 5º e 6º de Primaria e de Secundaria e consiste no desenvolvemento de concertos didácticos no Auditorio municipal (en horario de 12 h a 13 h) por parte do profesorado das escolas municipais Escola municipal de música de Vigo (EMMV) e Escola municipal de música folk e tradicional (E-TRAD), co seguinte calendario dispoñible (os martes desenvolveranse os concertos da E-TRAD e os mércores os da EMMV): o mércores 27 de xaneiro; o martes 2 e o mércores 24 de febrerio; o martes 1, o martes 15 e o mércores 16 de marzo;o mércores 13, o martes 26 e omércores 27 de abril e o martes 24 de maio.
Co fin de facilitar o desprazamento dos escolares, o centro educativo poderá recurrir, se así o considera, aos recursos postos a disposición dos centros pola concellería de Educación mediante o programa municipal VigoEduca, que financia, para cada centro educativo, o transporte en autobús para actividades culturais e educativas.
