Un relato presentado pola clase de 2º de primaria do CPR. Padres Somascos-Fundación Educere de A Guarda, titulado "La ciudad hipnotizada", coordinado pola súa mestra Merce Berridy Franco, foi seleccionado como finalista a nivel nacional do concurso de contos "Un juguete, una ilusión", organizado por RNE e Alcampo. Os traballos finalistas poden ser lidos e votados en unjugueteunailusion.com/concurso-de-cuentos, accedendo ao apartado "cuentos del primer ciclo"(para ler o conto, premer sobre o nome do colexio directamente; para votar, seleccionar o nome do centro e premer VOTAR). As votacións poderanse realizar online ata hoxe martes. O relato, cos protagonistas Rik e Rok -mascotas de Alcampo- á fronte, narra como un grupo de nenos é quen de salvar ao mundo desfacendo un feitizo de xeito moi orixinal e reconvertendo ao monstro que hipnotizaba a cidadadanía e provocaba un desastre ambiental irreversible.
