Un ano máis no Ceip Serra Vincios conmemoraron o Samaín, tan arraigado na cultura galega, realizando diversas actividades entre as que destacaron a exposición de cestas con froitos do outono, elaboradas polas familias dos nenos e nenas do centro. O seu entusiasmo e creatividade sorprenden ano tras ano enchendo o colexio coas cores e aromas desta estación. A participación de cativos e adultos na elaboración destes "centros" contribúen a afianzar lazos entre diferentes xeracións sen esquecer certos valores culturais.
Outra das actividades foi a presentación das cabazas que cada ano se decoran tendo como referente o proxecto temático do centro, este curso 2015/16 adicado a "Inventos e Experimentos". Esta pequena atracción radica no emprego das cabazas para ambientar e decorar un escenario , que este ano será un laboratorio moi terrorífico. Todo este rebumbio está amenizado polo "Tenderete" que os nenos de 5º e 6º de EP montan e xestionan co fin de costear a saída de fin de curso, os doces que están a ventan son elaborados polas familias; nenos, mestres e pais poden endozar os momentos da xornada e pasar un momento moi gustoso. Este enmarque representa ademais da tarefa realizada coas cabazas,as cestas e os doces, a ilusión coa que viven os cativos ao compartir diferentes vivenzas da mesma actividade.