O colexio pùblico Humberto Juanes do concello de Nigrán organizou diversas actividades no centro con todo o alumnado e con determinados colectivos que traballan conpersoas con diversidade funcional. A escola estivo ambientada na procura da estimulación sensorial dos nenos e nenas. Realizáronse actividades de aula e grupais onde o alumnado viviu o diferentes que todos e todas somos e a importancia de pór en valor as características e posibilidades de cada quen. Estas actividades estendéronse ó longo dunha semana impregnando cada recuncho e actividade docente e discente. Para as actividades contaron coa inestimable colaboración da ONCE, APAMP, Igualarte, Centro de E.E "Juan María" e coa participación de moitos dos seus alumnos e alumnas así como os seus mestres e mestras.
Marián da ONCE trasladou a todo o alumnado participante a importancia e a maxia dos sentidos con material da propia institución. Os compañeiros e compañeiras de APAMP e os seus adestradores deixaron abraiados ós nenos e nenas co seu espírito deportivo e de superación.
Mozos e mozas de Igualarte e os seus mestres, co seu bo facer musical fixéronnos cantar e beillar no auditorio do Concello. A pintora Lourdes dende o CEE Juan María, xunto con outros compañeiros e mestras, déronnos unha clase de arte inesquecible. Finalmente todo o alumnado puxo a súa sinaturacomprometéndose co respecto á diversidade.