Agadana, o grupo ecolóxico escolar do Colexio Compañía de María de Vigo, cumpre 20 anos. Desde que se fundou no curso 1994-95, o seu labor estivo sempre adicado á concienciación medioambiental de toda a comunidade educativa. "Hoxe, máis que nunca, é vital o compromiso de todos e cada un de nós para conservar e mellorar o noso planeta", aseguran os seus responsables. Agadana traballa arreo para ensinar aos rapaces a respectar a Terra que lles dá de comer e que o fai de moitas formas. Unha delas é o traballo na horta escolar, facendo primeiro os sementeiros e logo trasplantando na terra. Outra é a de reciclaxe todo o ano, de papel, tapóns, plástico, etc. Unha boa mostra desta reciclaxe recolléuse na exposición de fin de curso Expoagadana 2015, onde todos os traballos de todos os alumnos desde educación infantil, pasando por primaria, ESO e bacharelato, estiveron presentes.
Agadana celebra o seu vixésimo aniversario cunha horta escolar que xa ten 7 anos de vida e cunha exposición, ademais de todas as actividades desenvolvidas durante o curso escolar, como por exemplo, charlas de reciclaxe a cargo de expertos de Sogama, sobre a lota contra os incendios forestais da man do SEPRONA, o Magosto Ecolóxico, a participación en diversos concursos como "O monte é a nosa vida", "Ciencia que conta", "Clases sen fume", etc.
Todos os traballos pódense consultar no blog: agadana.blogspot.com.es
