La Casa de la Abuela inaugurou fai uns días a que define como a primeira exposición de pintores artísticos solidarios da cidade. Trátase dunha mostra que pode visitarse ata este sábado, día 30 de xullo, e na que participan entre outros o presidente da Real Academia de Belas Artes, Manuel Quintana Martelo, así como Marc Quintana, Liberto Quesada, Paco Santomé, Secundino Diz, Chicamen Romero e Xabier Lemos Godoy, dirixidos todos eles polo marchante de arte Fernando Magdalena.
A peculiaridade desta exposición de carácter solidario para "Vida Digna" radica na posibilidade de que quen así o desexe poida colaborar aportando todo tipo de alimentos non perecedoiros, pero ademais cada pintor axuntará libremente unha axuda para esta campaña.
