Gustavo Pernas: "Naceron moitas cousas dos 20 días que pasei en Cuba"

"Visitamos á miña tía avoa cubana e interpretounos ao piano as mesmas cancións que me cantara de neno a miña avoa"

26.08.2017 | 04:55
Gustavo Pernas e Ánxela Abalo na Fortaleza de Santiago de Cuba (1988).

Gustavo Pernas leva moitos anos vinculado ó teatro. O artista de Viveiro combinou ao longo da súa extensa carreira a dobraxe coa investigación, actuación e dirección teatral, así coma a escrita de textos dramáticos.

Sobre seu verán favorito, o artista dubidaba se elixir un dos da súa infancia: "Pero esos son moitos, non só un coma o de 1988, tan singular e especial. Eu traballara todo o ano cerca de Bilbao, en Galdácano, alí había unha empresa de dobraxe e facíamolos para cadenas privadas coma Antena 3 ou Canal +. Eu levaba tempo facendo moita dobraxe, era unha época na que aínda estaba ben pagado ese oficio" recorda o dramaturgo.

A actriz Ánxela G. Abalo, sua parella entón e todavía hoxe, realizou con él dúas viaxes ese verán. Primeiro percorreron en coche a Costa Azul cun Peugout 205 vermello, atravesando a metade do litoral italiano.

"Atrevinme a cruzar Europa, cando levaba apenas uns meses co carnet. En Varazze pasamos uns días preciosos. Visitamos Rapallo, Portofino, Florencia, Bolonia, Verona, Rávena, a costa Adriática...", enumera.

Gustavo Pernas xa estivera en Venecia con anterioridade. Alí visitaron un cámping ao que só se podía chegar en barco, cunha pequena vaporeta.

"Tomamos unhas fotos preciosas. E na volta da viaxe tamén foi todo fascinante, polo bo "feeling" que tiñamos, o entusiasmo que levábamos e a arte, que estaba en todas partes. Pero elixín este verán pola nosa seguinte viaxe, a Cuba. Voltamos a Galicia e fomos ata Madrid. Alí xa collimos o avión cara A Habana. Estivemos 20 días percorrendo a illa de Cuba", relata Pernas.

Esta experiencia deixou unha fonda pegada nel: "Disfrutamos de sesións de santería, estivemos en compañía de xente de raza negra que dicían ser netos de ourensáns. Foron experiencias moi ricas, nesa época na que todavía duraba o bloqueo norteamericano, pero a pesar das dificultades a xente era vital, optimista e aberta".

Quedaron engaiolados pola súa beleza.

"Escollo 1988 porque foi o xérmolo do que será o proxecto da compañía teatral que fundamos pouco despois Ánxela e mais eu, 'Áncora'. Ademais, o país latinoamericano foi o detonante da primeira obra de teatro que fixemos, 'O galego, a mulata e o negro'. Nela describimos en clave de comedia, con moita investigación histórica detrás, a Guerra de Cuba, a súa posterior independencia, os gángsters dos anos 30, a chegada de Fidel Castro á vida pública da illa?", resume o actor de Viveiro.

"Eu estudara Historia na Universidade de Santiago, e apliquei un poco ese gusto pola investigación.Contábamos a historia a partir dos personaxes. A mestiza era a intermediaria entre eles, pois non entendían seus respectivos idiomas. A obra parte dunha documentación viva que fixemos coñecendo persoalmente á xente. Alí estivemos co actor Omar Valdés, os directores Roberto Blanco e Gutiérrez Alea, ou Candita, a raíña do Chachachá", rememora.

Un especial rencontro

"Pero o máis entrañable foi coñecer á irmá da miña avoa. Tiña xa oitenta e un anos. A idea de coñecela fora o estímulo para visitar Cuba", recoñece Pernas. Seu bisabó era director de orquesta, e con ese oficio viaxou por Asturias, Valladolid, Castela e León, Galicia? E nas primeiras décadas do século XX recalou en Cuba. Así, a avoa de Gustavo Pernas, que nacera en Ourense, marchou á Habana con só 6 meses. Cantaba tonadillas, e Gustavo aínda garda algún carteliño con letras modernistas dunha actuación en Cienfuegos: "Consolita Muñoz actúa hoxe coa orquesta?"

Pernas continúa o emotivo relato: "Consuelo voltou a Galicia no trinta e tantos, xa casada cun home de Viveiro que coñecera ao outro lado do charco, meu avó. El marchara a Cuba con 13 anos. Vivían nun precioso barrio da Habana e voltaron a una Galicia escura na que nunca deixaba de chover, logo de abandonar o Caribe. Tamén foi unha inspiración para a obra".

Cando Gustavo Pernas era pequeno, a súa avoa Consuelo lle contaba historias da vida en Cuba, sua casa pola que pasaban artistas, músicos?E sua irmá, cando chegaron Pernas e Ánxela a Cuba moitos años despois, vivía un pequeño apartamento e alí tocoulles ó piano as mesmas cancións que sua irmá lle cantara durante a infancia. E tamén gardaba alí as cartas que se enviaran as dúas. "Entón sentinme cubano, foi moi emotivo. Miña avoa era moi importante para min, dela herdamos meu irmán e mais eu a fascinación polo teatro. E a miña tía non a vira dende medio século", recorda Pernas.

A obra teatral

'O galego, a mulata e o negro' foi estreada no Teatro Principal de Santiago de Compostela en 1990 e tivo moito éxito en Galicia. Nese tempo Ánxela quedou embarazada, e durante uns meses actuou tendo no seu ventre a seu fillo Muriel, que tamén se adicaría ao teatro. "Ese verán naceron moitas cousas", resume Pernas.

A idea da obra comezara a agromar e coller forma no retorno, xa en Galicia comezaron a escribir e intentar plasmar todos os significados que atoparan. Crearon a partir deles una obra chea de música coma motor da obra e tamén da sociedade cubana.

"Nós fixemos moitas funcións por Galicia e fóra dela, viñeron cubanos a vernos. Eu facía do negro, meu irmán Miguel do galego e Ánxela da mulata, e os natais da illa eloxiaron os acentos coma perfectos. Era una obra en tres idiomas. O galego na nosa lingua, a mestiza en castelán e o escravo en cangin, que se fala nas costas de Senegal, con palabras reais de África", aclara.

" O que dicía o negro a traducía a mulata para o galego (coma quería) e viceversa, creando conflictos. Era un espectáculo divertido, con cancións de acá e alá, a xente reía e bailaba. Algunha vez non nos deixaron saír do escenario, pedindo outra. Aínda hoxe hai quen nos pide volver representala", celebra o actor.

"Foi un verán moi feliz, entre arte e vida. En maio Italia, en xuño Cuba, xuño e agosto fervendo por dentro, investigando co vehículo da comedia pero tamén rigor histórico", conclúe.

Compartir en Twitter
Compartir en Facebook

CINE


El actor Dustin Hoffman.
Cinco mujeres más acusan a Dustin Hoffman de abusar de ellas

Cinco mujeres más acusan a Dustin Hoffman de abusar de ellas

El actor ya había sido denunciado públicamente por otras tres mujeres por episodios similares

´El sentido de un final´: Los delirios de la memoria

´El sentido de un final´: Los delirios de la memoria

Una verdad oculta que sale a la luz en un momento trascendental de la familia

´Verano 1993´ se queda fuera de la carrera de los Oscars

´Verano 1993´ se queda fuera de la carrera de los Oscars

La cinta chilena 'Una mujer fantástica' es el único largometraje latino que optará a los premios

Weinstein afirma que las acusaciones de Salma Hayek "no son exactas"

Weinstein afirma que las acusaciones de Salma Hayek "no son exactas"

El productor de Hollywood "no recuerda" haber presionado a la actriz para que realizara desnudos


Disney compra 21st Century Fox por 44.293 millones de euros

Disney compra 21st Century Fox por 44.293 millones de euros

Se hará con los estudios de cine y televisión y otras partes de su negocio internacional de cable

Llega a los cines ´Stars Wars: los últimos Jedi´

Llega a los cines ´Stars Wars: los últimos Jedi´

La navideñas 'Se armó el belén' y 'Un intercambio por Navidad', entre los estrenos de esta semana

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 

Enlaces recomendados: Premios Cine