A Universidade de Santiago de Compostela (USC) celebra o ano de Carlos Casares e a festa das Letras Galegas lembrando a súa etapa como alumno e investigador no seu seo. A entidade destacou o seu papel como dinamizador cultural, compromiso co idioma e co movemento movilizador estudantil e antifranquista.
Así o destacou o académico Henrique Monteagudo, amigo persoal do homenaxeado neste 17 de maio, durante unha conferencia pronunciada onte con motivo do acto literario que cada ano celebra a universidade para conmemorar o Día das Letras Galegas.
Monteagudo repasou as vivencias que marcaron o paso de Casares pola Universidade de Santiago, onde chegou cumprindo 21 anos cunha traxectoria intermitente por cuestións de saúde derivadas de episodios de depresión por crises persoais, sentimentais e relixiosas.
