07 de mayo de 2017
07.05.2017

Unha novela da escritora Vanesa Santiago faise co Premio Illa Nova

Galaxia estrea galardón en homenaxe a colección homónima que inaugurou Ferrín no 1958 - O escritor fixo entrega da distinción

07.05.2017 | 09:09
Organizadores e o xurado do premio posan coa gañadora Vanesa Santiago (5 e) e Ferrín (e). // J. Lores

No ano 1958, o escritor vigués Xosé Luís Méndez Ferrín contaba con 19 anos de idade. Nesa data, inauguraba con Percival e outras historias a colección Illa Nova, reservada por Galaxia para a publicación de narrativa dos novos valores. A colección tamén daría a benvida ás letras, maxín e ideas de autores como María Xosé Queizán, Carlos Casares o Camilo Gonsar, entre outros, nos anos 60 e 70. Agora, a editorial galega homenaxea ese labor coa creación do Premio Illa Nova de Narrativa. O seu fin, "abrir un camiño a quen está comezando no mundo da creación literaria". A gañadora da primeira edición coñeceuse onte, Vanesa Santiago (Sada, 1983).

O acto de entrega tivo lugar onte en Vigo e, ademais de Vanesa Santiago, o protagonista foi Xosé Luís Méndez Ferrín -articulista de FARO-, quen lle facilitou á escritora os 3.000 euros cos que está dotado o galardón. O título da novela premiada é A vida sinxela de Marcelo Firmamento. Sobre a obra, dende Galaxia, sinalaron que "é unha reinterpretación das novelas de viaxes cunha comuñón moi marcada co universo do mar e as súas lendas. Unha viaxe de retorno que parece de ida e que é finalmente unha descuberta. O xurado valorou a construción tanto da mecánica interna como global da novela, a elaboración de imaxes de gran potencial evocador".

Ferrín foi tamén protagonista porque, primeiro, foi un honor para el lembrar aquela irrupción na narrativa con Percival da man de Illa Nova. Segundo, porque o acto era organizado por Galaxia e foi dende a editorial de onde xurdiu a idea de convidalo. Sen dúbida, a entrega da distinción materializou que, quizais, comece unha nova relación entre ambas partes. Para comprendelo, hai que lembrar a trifulca que houbera na Real Academia Galega a principios de 2013 ó quedaren divididos os socios en dous bandos, ó saír no ABC a información de que a RAG tiña contratados a filla e xenro de Ferrín.

As formas levadas e o enfrontamento entre socios no seo da entidade fixeron que Ferrín renunciase a académico numerario, se ben a RAG sinalara, na boca de Xosé Luis Axeitos, que non a aceptaba e que non se ocuparía a súa cadeira. O que aconteceu nese inicio de 2013 foi un culebrón propio dun episodio cainista da Biblia que inda segue hoxe.

Por último, hai que sinalar que no acto de onte participaron a directora de Edición e Comunicación da Editorial Galaxia, Malores Villanueva, mantedora da entrega do premio, no que tamén participou Francisco Castro, director xeral -o anterior responsable, Víctor Freixanes, é agora o director da RAG-; e Antón Vidal, presidente da empresa editora. Ademais, actuou Davide Salgado, Premio Martín Códax de música tradicional.

Compartir en Twitter
Compartir en Facebook

CINE


'Los archivos del Pentágono', de Steven Spielberg.
Los estrenos de la semana: Llega lo nuevo de Spielberg

Los estrenos de la semana: Llega lo nuevo de Spielberg

Regresa con 'Los papeles del Pentágono', protagonizada por Tom Hanks y Meryl Street

Nominados a los Oscars 2018: ¿Cuándo se anuncian?

Nominados a los Oscars 2018: ¿Cuándo se anuncian?

El mayor evento cinematográfico del año se celebrará el próximo 4 de marzo en Los Ángeles

Kevin Spacey, acusado de una tercera agresión sexual

Kevin Spacey, acusado de una tercera agresión sexual

Un hombre anónimo ha denunciado a Scotland Yard que fue víctima de los abusos del actor en 2005

Brigitte Bardot critica a las actrices que "provocan" para obtener un papel

Brigitte Bardot critica a las actrices que "provocan" para obtener un papel

La estrella del cine en los 50 califica de "ridículas" la mayoría de denuncias sobre acoso sexual


Muere Hugh Wilson, director de ´Loca Academia de Policía´

Muere Hugh Wilson, director de ´Loca Academia de Policía´

El escritor y cineasta fue el creador de series como 'El local de Frank' o 'Radio Cincinnati'

Diez grandes películas que cumplen 20 años

Diez grandes películas que cumplen 20 años

Repasamos algunas de las cintas que arrasaron en las salas de cine hace ya dos décadas

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine