A TVG estrea o vindeiro martes un 'docu-show' sobre o Camiño Portugués pola Costa

De entre todos os camiños, este percorrido costeiro é o máis descoñecido

02.07.2016 | 01:46
Una imaxe do programa en Vigo. // Tvg

Moito se falou, escribiu e filmou sobre o Camiño de Santiago e os seus distintos percorridos, pero a Televisión de Galicia fará a semana que vén unha innovadora achega neste sentido, xa que o vindeiro martes estréase na canle pública un docu-show sobre o "Camiño Portugués de Santiago". Esta produción non é un documental tradicional, senón que se trata dunha docu-ficción, cun ton de comedia, que ten como obxectivo principal a promoción cultural e turística do Camiño, pero facéndoo dun xeito atractivo e dinámico, a través dunha historia de ficción de odio-amor entre un home e unha muller. Emulando as trece etapas máis sonadas do Camiño Portugués, os dous aventureiros percorrerán durante 13 episodios as vilas e cidades que separan a cidade lusa de O Porto de Santiago. A espectacularidade das imaxes acompañará esta parella, que está condenada a entenderse ata chegar á capital galega.

De entre todos os camiños que chegan a Santiago, o Camiño Portugués pola costa é o máis descoñecido de todos. Esta xoia agochada que comeza no país veciño percorre os areais e vilas de costa máis fermosas dos dous países, ofrecendo unhas vistas espectaculares e presentando monumentos históricos de grande importancia a cada paso. Ademais, os camiños portugueses a Santiago -tres deles son neste momento candidatos a patrimonio cultural da Unesco- engaden o atractivo de ser unha peregrinación internacional nun espazo e tempo moito menores que o Camiño Francés, por exemplo.

Esta aventura a través da cultura, gastronomía e historia de Portugal e Galicia comezará ás beiras do río Douro e pasará polas vilas máis representativas do norte de Portugal ata chegar a Caminha, cando as cámaras entrarán en Galicia para percorrer A Guarda, Oia, Baiona, Nigrán, e a ría de Vigo, con parada nas Illas Cíes e na propia cidade olívica.

Compartir en Twitter
Compartir en Facebook

CINE


Harvey Weinstein.
Weinstein afirma que las acusaciones de Salma Hayek "no son exactas"

Weinstein afirma que las acusaciones de Salma Hayek "no son exactas"

El productor de Hollywood "no recuerda" haber presionado a la actriz para que realizara desnudos

Llega a los cines ´Stars Wars: los últimos Jedi´

Llega a los cines ´Stars Wars: los últimos Jedi´

La navideñas 'Se armó el belén' y 'Un intercambio por Navidad', entre los estrenos de esta semana

Disney compra 21st Century Fox por 44.293 millones de euros

Disney compra 21st Century Fox por 44.293 millones de euros

Se hará con los estudios de cine y televisión y otras partes de su negocio internacional de cable

´Handia´ y ´La librería´ acaparan las nominaciones a los Goya

´Handia´ y ´La librería´ acaparan las nominaciones a los Goya

La cinta de Aitor Arregi y Jon Garaño, con 13 candidaturas, y la de Coixet con 12, son las favoritas


Salma Hayek denuncia que Weinstein la acosó y amenazó de muerte

Salma Hayek denuncia que Weinstein la acosó y amenazó de muerte

La actriz ha afirmado que el productor también la presionó varias veces para grabar escenas de sexo

Premios Goya 2018: Lista de nominados

Premios Goya 2018: Lista de nominados

Las películas 'Handia' y 'La librería' son las favoritas con 13 y 12 nominaciones respectivamente

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 

Enlaces recomendados: Premios Cine