"Na década de 1960 o poder adquisitivo comeza a medrar nos fogares urbanos, que adquiren frigoríficos cun pequeno conxelador. Nos vinte anos que seguen, a electrificación acaba de estenderse ás aldeas e ás vivendas rurais. É nelas onde os arcóns conxeladores se difunden a partir dos anos 80, aproveitando que os labregos non andan sobrados de cartos, mais contan cunha superficie abondosa do espazo útil que escasea nos pisos da cidade" [...]. "As familias incorporan daquela na súa dieta o peixe conxelado, mais sobre todo atopan no frío industrial a maneira de escapar á tiranía secular do secado, a afumadura e a salgadura: é posible criar polos, un porco, mesmo un xato, matalos, tallalos e conservalos en frío para consumilos ao longo do ano; verduras e legumes".
