Máis de 2.000 persoas comezan as probas da lingua galega, Celga

Os exames estanse a realizar, nos seus catro niveis, entre esta fin de semana e a vindeira en Santiago e Ponferrada

03.04.2016 | 02:54
Valentín García visitou os centros de Santiago que acollen as probas. // FdV

As probas de acreditación da lingua galega (Celga) comezaron onte en Santiago de Compostela e Ponferrada (dado o especial interese da promoción do uso do galego nos territorios galegofalantes do Bierzo e Sanabria), e nas que resultaron admitidas máis de 2.000 persoas e ás que finalmente acudiu o 80% do total.

O responsable da Secretaría Xeral de Política Lingüística -organismo encargado da organización dos exames-, Valentín García, visitou os centros de Santiago que acollen as probas, para comprobar o bo funcionamento do sistema coas máis de 1.000 persoas convocadas neles ás probas do Celga 4, nivel ao que se lle asignou a primeiro día de exercicios.

O secretario xeral de Política Lingüística destacou nesta xornada "a importancia que a formación en lingua galega para adultos ten para o proceso de normalización lingüística". Valentín García aproveitou para engadir que "as probas Celga permiten acreditar o nivel de galego a aquelas persoas que non tiveron acceso durante a súa formación regrada a contidos en lingua galega, ao tempo que potencian, adquiren e melloran as súas competencias no idioma propio".

O domingo é a quenda para os convocados ás probas do Celga 2, que se levarán a cabo na Escola Galega de Administración Pública (Santiago) e na Escola Oficial de Idiomas de Ponferrada (León). En total, unhas 1400 persoas están chamadas a exame esta primeira fin de semana de probas. O sábado 9 e o domingo 10 están asignados para os admitidos nos niveis Celga 3 e Celga 1, respectivamente.

A información relativa a persoas admitidas, lugares e horarios das probas Celga pódese consultar no Portal da Lingua Galega.

A Consellería de Cultura e Educación reorganiza, con esta convocatoria, a loxística pola que se vén desenvolvendo o sistema de acreditación do Celga desde a súa implantación no ano 2007. Por primeira vez, contarase nas probas con profesorado Celga que desde o ano pasado forma parte do persoal propio deste departamento. Logo dun proceso de formación, entre os meses de xaneiro e marzo, este persoal está capacitado para avaliar as probas de acreditación da lingua galega, entre outros cometidos.

Tamén se coordina o desenvolvemento de cursos e probas Celga, para o que se establece un cronograma anual conxunto que contempla a celebración dos exames inmediatamente despois do desenvolvemento dos cursos preparatorios.

O sistema Celga

O Celga é o certificado en lingua galega que expide a Secretaría Xeral de Política Lingüística da Xunta de Galicia e que acredita o coñecemento da lingua en cinco niveis: Celga 1, Celga 2, Celga 3, Celga 4 e Celga 5. Trátase dun modelo de aprendizaxe, ensino e avaliación de lingua galega adaptado ao Marco europeo común de referencia para as linguas definido polo Consello de Europa, no que se describen os coñecementos e habilidades que se contemplan en diferentes niveis para que a comunicación sexa eficaz. O sistema Celga proporciona unha base común para a elaboración de programas de linguas, orientacións curriculares, exames, manuais etc. en toda Europa e confígurase en distintos niveis de coñecemento.

Compartir en Twitter
Compartir en Facebook

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine