O conselleiro de Cultura recalcou como Digalego é un instrumento que ten ver coa "inserción do galego no proceso de modernización e innovación que se ten desenvolto en Galicia". "Quéiramolo ou non, a sociedade dixital é a do presente", proclamou. De feito, lembrou que a Consellería de Cultura e a Axencia para a Modernización Tecnolóxica de Galicia están a facer un esforzo para avanzar no cambio tecnolóxico nas áreas nas que teñen competencias. Así ocorre, enumerou, coa dixitalización das aulas dos seis últimos cursos do ensino obrigatorio, coa mellora da conectividade dos centros ou coa implantación do libro dixital gratuíto.

Pero tamén estes últimos, mesmo os que non utilizan libros en soporte papel, empregan as palabras, como subliñou Bieito Ledo: "Teñen que utilizar palabras, a ferramenta case única do mundo do ensino" e "que nos axuda a falar e a escribir".

Román Rodríguez tamén destacou que non só importa o medio, senón a "calidade" do produto, situado só a "un golpe de clic" dos usuarios. "É unha acción que democratiza a cultura, a aprendizaxe, e dalle ao galego un rango de lingua internacional que pon á nosa cultura, a lingua e a educación na vangarda das novas tecnoloxías", proclamou.