"O topónimo da cidade probablemente derive do "Vicus" altomedieval"

12.12.2015 | 02:22

No remate da súa conferencia, Fermín Pérez Losada abordou a controvertida cuestión do topónimo antigo de Vigo, cal foi o nome co que foi coñecida a cidade durante a Antigüidade. Apostou por Vicus Helleni, Aeleni ou Elanei, e dixo que a denominación Vicus Spacorum "é incosistente".

Explicou que esta denominación de Vicus Spacorum débese a un erro na indentificación das vías XIX e XX do Itinerario de Antonino. "Nas mansións da vía XX, a seguinte despois de Tude sería Spacorum -dixo-, pero ninguén acepta agora ese trazado da vía XX". O Spacorum correspondería aos indíxenas pocori, da zona de Noia. No coloquio, un membro do público replicoulle a Pérez Losada que o historiador José Manuel Roldán Hervás, especialista nas vías romanas, sí admite que a vía XX pasou polo actual Vigo.

Burbida

A polémica cuestión do nome, non semella, nin moito menos, pechada para os investigadores. O conferenciante citou tamén o artigo do arqueólogo vigués Manuel Santos Estévez sobre o nome do Vigo romano, no que defende a hipótese de que a Burbida do Itinerario Antonino estaría situada en Vigo. Este artigo foi publicado na Revista de Arqueoloxía e Antigüedade "Gallaecia", da Universidade de Santiago de Compostela.

Referiuse tamén á denominación Turonium das crónicas de Hidacio, correspondente á máxima expansión do conglomerado, nos séculos V e VI.

No obstante, aclarou Fermín Pérez Losada, "o topónimo Vigo probablemente derive do Vicus altomedieval, de Santiago de Vigo, nos séculos IX ou X, non da época romana".

Compartir en Twitter
Compartir en Facebook

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine