Manuel Bragado:"O xornalismo é imprescindíbel para ter unha sociedade democrática"

"O premio é un agradecemento para a presenza dos textos xornalísticos en galego nos medios"

01.07.2014 | 09:47
Manuel Bragado

"Recibo o premio con sorpresa, con alegría", explica Manuel Bragado, "porque realmente é unha fachenda, un gran orgullo, recibir un premio de xornalismo literario en galego que leve o nome de Francisco Fernández del Riego e ao mesmo tempo o premio é un agradecemento para a presenza dos textos xornalísticos en galego nos medios, e moi especialmente a miña gratitude a FARO DE VIGO, que é o espazo que acolle estas columnas baixo o título de Campos de Granada".

–Cantas columnas leva publicadas?
–Mais de 750 pezas, para min é unha enorme satisfacción, unha gran alegría que un traballo publicado no FARO, que é para mi o espazo de referencia como lector dende hai 50 anos, dende que nacín, sexa recoñecido cun galardón deste tipo, unha gran alegría.

–Formouse vostede como educador...
–Si, eu non son xornalista, son editor dende fai 25 anos, editor en lingua galega, e de formación son pedagogo, son mestre de Primaria, pero teño a fortuna de escribir no FARO dende hai 30 anos, o meu primeiro artigo publiqueino en 1984, era sobre temática educativa e a vinculación que teño non é a dun profesional, admiro profundamente ós profesionais da información, penso que o xornalismo é imprescindíbel para ter unha sociedade democrática, para a convivencia e a participación política en liberdade, mais eu son un editor que ten a fortuna de escribir no FARO.

–Dende fai dez anos ten ademais un blog de referencia...
–Nel publico diariamente textos de diverso tipo, tamén é certo que grazas tamén á xenerosidade de FARO publico prosas celestes que son artigos, crónicas do Celta de Vigo.

–Porque é vostede un celtista declarado
–Si (risas) son celtista declarado pero agardo que aínda nun ámbito no que pesa tanto a cuestión emotiva e o entusiasmo os criterios de racionalidade e o rigor tamén estén presentes. O feito de ser celtista é un xeito de estar no mundo, no que hai a veces moitas veces máis perdas que vitorias, pero nunca se perde o entusiasmo nin o sentido de a onde un pertence, e ese sentimento de pertenza é o que creo que ilusiona a tantas personas da nosa comunidade e de todo o mundo.

–Son tempos difíciles para a cultura ¿paga a pena adicar a vida á cultura?
–A cultura é imprescindible, vital, como forma de expresión das nacións e dos seres humanos e dos soños que compartimos, non soamente paga a pena senón que é imprescindible. Dentro das industrias culturais estou especializado no ámbito da edición e traballo nunha actividade que é exemplar para a convivencia, a lectura, que non é so a afición dalgunhas persoas en función das súas preferencias senón tamén unha competencia imprensindible como cidadáns para poder selo, para poder participar e desenvolverse como seres humanos. A lectura está hoxe en proceso de cambio dos soportes, o xeito de acceder a ela, pero segue a ser imprescindible, nós ademais traballamos coa lingua galega, nunha faceta esencial como é a edición para desenvolver unha lingua e unha cultura que aínda están minorizadas e que non teñen idénticas posibilidades a outras, a pesares de que todas as linguas e culturas merecen esas oportunidades por igual, pero ahí está o noso entusiasmo e a nosa ilusión.

Compartir en Twitter
Compartir en Facebook

Sociedad y Cultura

Johnny Depp, Charlie Sheen y Kevin Dillon
Depp, Sheen y Dillon celebran el 30 aniversario de ´Platoon´

Depp, Sheen y Dillon celebran el 30 aniversario de ´Platoon´

Los protagonistas de la cinta de Oliver Stone se reúnen en una fiesta que comparten en Instagram

Casi 250 personas han muerto ahogadas este año

El 81% de las víctimas han sido hombres - En lo que llevamos de julio ya han fallecido 36 personas

Descubre las cinco mejores heroínas del cine de acción

Descubre las cinco mejores heroínas del cine de acción

'Wonder Woman' es la primera en superar la barrera de los 100 millones en su estreno en EEUU

 
Enlaces recomendados: Premios Cine