O roteiro do viño Rías Baixas incorpora un novo itinerario pola zona do Rosal

M.M. - VIGO A Asociación Rutas do Viño Rías Baixas vén de incrementar a cinco os roteiros vinícolas-turísticos polas zonas da Denominación de Orixe Rías Baixas. O último itinerario corresponde á zona do Rosal e foi presentado onte en Vigo polo xerente da Asociación, Luis Cohen; o presidente do colectivo, José Ramón Meiriño; e o director comercial de Caixanova, Gabriel González.
Un total de 15 empresas e os concellos do Rosal, Tomiño e A Guarda adheríronse a esta iniciativa coa que se amplían os horarios de visitas ás adegas, plantexar degustacións e catas nestas últimas así como en establecementos.
Co roteiro do Rosal, integran a Ruta do Viño Rías Baixas o itinerario norte (Casa de Valle-Inclán, Monte Lobeira); o itinerario leste (Ribadumia, Muíños de Barrantes); o itinerario sur (Armenteira, Meaño) e o roteiro do mar (Umia-O Grove; A Lanzada).