ÚLTIMA HORA

Uxía presenta "Eterno navegar" en Vigo tras case oito anos sen concertos na cidade

O directo contará cunha retrospectiva dos seus temas máis coñecidos e a proxección de fotos de Quim Farinha esta tarde no Teatro Caixanova

 
A cantante Uxía.
A cantante Uxía.  

ANA SAÁ - VIGO Tras case oito anos sen ofrecer un concerto de presentación en Vigo, a cantante Uxía chega hoxe ao Teatro Caixanova da cidade olívica con ganas de deixar pegada “cun espectáculo que poida quedar na memoria”, sinala.

Partindo da tradición e das atmósferas do seu lugar de orixe, Galicia, o seu último traballo, Eterno navegar, reinventa e personaliza os sons que a relacionan con países como Portugal, Brasil ou Cabo Verde. “Neste disco tratei de reproducir o ambiente atlántico co contacto destes territorios de fala portuguesa”, explica. “A vida foime brindando a oportunidade de entender que somos unha identidade común e unha sonoridade única”, engade.

A presentación de Eterno navegar en Vigo será esta noite a partir das dez e media, nun concerto enmarcado no ciclo Música Babel. O público vigués gozará dunha Uxía renovada, “con cousas novas, co pouso da experiencia e con novos rexistros interpretativos”. Ademais de presentar este disco, fará unha retrospectiva dos temas máis característicos da súa carreira musical, que se acompañarán coas fotos realizadas polo fotógrafo Quim Farinha.

En cada traballo experimenta para ofrecer algo novo que non teña a mesma fórmula que os traballos anteriores. “Achegándome ás miñas vivencias persoais, a vida vai brindándome esas cancións que poidan sorprender dun xeito natural”, asegura.

O mar, a viaxe, a soidade, a travesía, a navegación, a contra corrente, o canto ás mulleres persistentes... As aventuras de Uxía vese reflictidas neste traballo cunha “linguaxe de futuro”.

“O máis característico é que trato de cantar dende adentro, dende as entrañas. Se hai algo que me pode identificar é a transparencia dos sentimentos”, declara. “A voz é un instrumento transparente para amosar os nosos sentimentos”, engade.

Premio da Música

Recentemente a cantante Uxía fíxose co Premio da Música á mellor canción en galego polo tema Rumores de falúas. “No fondo vén a ser un recoñecemento a anos de traballo, que dediquei á investigación, un traballo minucioso. Estou moi satisfeita co público e coa crítica”, asinte.

Para esta galega o mellor premio é que a xente participe nos concertos e compre os seus discos.

Uxía percorre camiños de sonoridades atlánticas e ritmos africanos, conxuga á perfección o compás dos tambores coas doces melodías galegas e funde o fado, o alalá e a morna.

  HEMEROTECA

Gastronomía


Tosta con bracada de bacalao.
Tosta con bracada de bacalao.

Tosta con brandada de bacalao

En tan sólo 15 minutos puedes preparar está rica receta

Arroz con pisto.

Arroz con pisto

El arroz es un alimento habitual en nuestra cocina, aprende cómo preparar está especialidad

Almejas a la marinera.

Almejas a la marinera

Te enseñamos cómo cocinar este plato, perfecto para la comida o la cena

Tortellini al estilo provenzal.

Tortellini al estilo provenzal

Descubre esta especialidad de tortellini y aprende a prepararlos de una manera sencilla

Pizza de champiñones.

Pizza de champiñones

Fáciles de preparar y deliciosas: descubre cómo se hace una pizza de champiñones

Refresco americano.

Refresco americano

Aprende cómo se hace este rico refresco, perfecto para sorprender a tu familia en un día caluroso

Síguenos en...

CANAL LOTERÍAS Y APUESTAS

Sorteos de la
lotería y la quiniela

Loterías y apuestas

Consulta los resultados de los principales sorteos de la lotería y la quiniela.
Fuente:
 
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya