EN DIRECTO

De Toro cre que o cambio político en "Galiza" non erradicou o "clientelismo"

 08:20  
Suso de Toro
Suso de Toro ARCHIVO

O autor de "Land Rover" asegura, non obstante, que a xestión é máis transparente

CARMEN VILLAR / SANTIAGO Suso de Toro cre que as verbas poden cambiar o mundo, alomenos o que a el o rodea. Por iso a súa última obra, "Outra Galiza", un "libro militante", tal e como el di, usa no seu título o mesmo topónimo que Castelao empregara naqueloutro do que beberon tantos galeguistas. "Eu penso en Galiza como suxeito político nunha España interpretada federalmente, mentres que Galicia é unha maneira de entender o país que reivindica soamente unha resistencia antropolóxica e étnica, de tradicións e costumes", sostén.

Intervir nesa Galiza consiste para Suso de Toro, dende a escrita, en "ir ofrecendo un programa para un novo galeguismo e tecer unha Galiza da cidadanía", segundo explicou onte en Santiago o seu editor, Manuel Bragado, durante a presentación dunha obra que recolle unha escolma de artigos xornalísticos do escritor que percorren cinco anos da historia da comunidade, dende 2003 ata a primavera deste mesmo ano.

Este lustro aparece dividido no libro en dous bloques, que marcan tamén un antes e un despois na historia dos últimos tempos en Galiza, un "antes do cambio e un despois do cambio". Antes do cambio, explica Suso de Toro, os seus artigos céntrase en expresar "o desexo do cambio". "É un combate ideolóxico contra aquela Galiza sometida a aquel cárcere ideolóxico e histórico, que era a Galiza do PP, a Galiza de Fraga. Era unha situación na que parecía que non había saída histórica, que non había futuro, que non había horizonte", explica o autor de "Land Rover".

Logo desa época marcada "por un punto, non de desesperación, pero si de exasperación, e de chamada ao cambio constante", ten lugar o cambio. "Neste tempo toca interpretar o que aconteceu, en que quedou todo".

"O principal cambio", explicou o escritor compostelán, "foi apartar a un poder político que parecía perpetuo, que parecía un destino, os donos de país", argumentou De Toro, quen engadiu: "A sociedade galega decatouse de que o poder non é absoluto, senón relativo, que depende dos votos, e iso fai que a sociedade sexa máis libre".

Non obstante, non todas son luces no cambio. Tamén existen sombras. Así, aínda que para o escritor dende a chegada o poder do novo Goberno "a xestión gañou en transparencia democrática e se reduciu notablemente a corrupción, dígase o que se diga", existe un pero: "Aínda así é insuficiente dende o punto de vista democrático porque se manteñen políticas moi semellantes aos do Partido Popular, políticas clientelistas, de usar os cartos públicos para mercar votos".

De Toro propuxo unha reflexión sobre a lingua e o territorio, convidando a "revisar" o seu vencello e matizando que nin Galiza nin España son "homoxéneas" lingüísticamente, senón que se trata de realidades "complexas". "Hai que garantir os dereitos dos galegofalantes de existir e vivir como cidadáns no noso país, pero comprender que a sociedade galega non é a do tempo dos nosos avós e bisavós e que hai castelanfalantes. Hai que buscar un equilibrio, modos de organizar a convivencia", explicou.

  HEMEROTECA

Gastronomía


Canelones de verduras.
Canelones de verduras.

Canelones de verduras

Este plato es muy recomendable para toda la familia, ya que sus ingredientes los hacen nutritivos...

La vista de Vicente del Bosque y la Copa del Mundo fueron las grandes estrellas de la edición anterior.

A Estrada se ´salmoniza´ a ritmo de gastronomía, cultura, deporte, música y ferias temáticas

Hoy se celebra una cena-gala en la carpa » En la degustación del domingo se cocinarán 2.000...

Un menú para el fin de semana.

Este fin de semana, disfruta cocinando

Te presentamos un menú nutritivo, rico y fácil de preparar, perfecto para todas las edades

Guisantes con carne.

Guisantes con carne

Este delicioso plato se prepara en pocos minutos y es perfecto para días de calor

Una propuesta a base de salmón preparada por un restaurante local.  // Bernabé/Luismy

En el plato, a cuerpo de rey

El salmón reinará el domingo en múltiples propuestas culinarias

Imagen de una edición anterior de la Festa do Año ó Espeto de Loimil.  // Bernabé / Luismy

Loimil celebra el 3 de junio su X Festa do Año ó Espeto con Varela como pregonero

El pregón del presidente de Fillos e Amigos da Estrada seguirá a la celebración religiosa y...

Síguenos en...

CANAL LOTERÍAS Y APUESTAS

Sorteos de la
lotería y la quiniela

Loterías y apuestas

Consulta los resultados de los principales sorteos de la lotería y la quiniela.
Fuente:
 
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya