MAR MATO / VIGO
De obra "curiosa" con relatos de xeito humorístico que presentan a situación do conflicto lingüístico na comunidade autónoma a mellor Libro do 2007 en Galicia. Falamos de "Made en Galiza", a última creación literaria do mestre Séchu Sende (Padrón, 1971), quen recibía o Premio Ánxel Casal ao Libro do 2007 na pasada noite nunha gala no Aquarium da Coruña.
Antes de entrar no edificio, Sende aseguraba a través do móbil sentir "unha alegría enorme" ao percibir un premio outorgado pola Asociación Galega de Editores. O galardón é tan novo, só dous anos de vida, que o propio autor asegurou onte que ata hai ben pouco "nin sabía que existía".
"Made in Galiza" (editado por Galaxia) chegou a Libro do ano tras superar nas votacións a "¿Para que serve a Historia de Galicia" de José Carlos Bermejo e "De provincia a nación" de Justo Beramendi.
Séchu Sende defendía onte a súa obra destacando dela que "é un libro curioso porque trato un tema social pero ao mesmo tempo introduzo elementos máxicos. Escribino para satisfacerme a min mesmo e para que fose un libro compartido".
En "Made in Galiza", Sende emprega a retranca para presentar os problemas do galego como lingua e convidar aos castelánfalantes a que "consideren o achegarse á lingua desde outra perspectiva para enriquecerse cultural e persoalmente".
No apartado de mellor autor ou autora do ano, resultou gañadora Anxos Sumai (Catoira, 1962) que este 2007 acadou tamén o Premio Repsol YPF con "Así nacen as baleas".
Galardón para o Salón do libro infantil de Pontevedra. Sociedad y Cultura
