A descuberta dunha placa da paso ao pleno da RAG adicado a María Victoria Moreno

Logo de ter adicado unha rúa ao seu nome e de divulgar a súa obra nun documental, o Concello continuou os actos adicados á escritora e docente coa colocación dunha placa na avenida de Vigo número 15, onde viviu María Victoria Moreno. Entre os participantes no acto, a concelleira de Cultura, Carme Fouces, que en nome do alcalde suliñou que Moreno "é todo un exemplo de integración na nosa vida colectiva, de compromiso, de ecoloxía cultural. Un chegar e identificarse coas substancias máis doces do noso país: a súa lingua e a súa literatura".

Pola súa parte, o plenario da A Real Academia Galega principiará ás 12.30 horas no principal teatro de Pontevedra, onde María Victoria Moreno se estableceu en 1963 ao chegar a Galicia e que este ano é o epicentro dos actos centrais organizados co gallo do Día das Letras Galegas.

Tres numerarios da academia intervirán no plenario. "Marilar Aleixandre, Fina Casalderrey e Xesús Alonso Montero ofrecerán tres olladas persoais á vida e á obra da autora neste acto, aberto ao público ata completar capacidade. A sesión concluirá coa intervención do presidente da RAG, Víctor F. Freixanes", indican os voceiros da institución cultural.

Xesús Alonso Montero coincidiu con María Victoria no Instituto de Lugo e as duas académicas foron amigas, compañeiras en calidade tamén de docentes e escritoras e amigas persoais da homenajexada.

A RAG lembra que María Victoria Moreno naceu circunstancialmente en Extremadura en 1939, medrou en terras de Castela, estudou sendo adolescente en Barcelona, fíxose filóloga en Madrid "e escolleu ser galega e empregar a súa lingua en todos os contextos pouco tempo despois de establecerse na nosa terra, a onde chegou para exercer a docencia".

Entre 1965 e 1967, deu clases no Instituto Masculino de Lugo, unha etapa decisiva no espertar do seu activismo a prol da lingua galega en plena ditadura. "Neste centro coñeceu o profesor Xesús Alonso Montero, de quen herdou, segundo ela mesma dixo, a súa actitude ante a lingua galega e a ética e o compromiso cos seus falantes", engaden as mismas fontes, "entre os dous axiña medrou unha fonda amizade, que queda patente no primeiro libro que publicou a escritora, Mar adiante (1973). O académico prologouno e parte do alumnado do barco escola Arroás que protagoniza esta historia levou o nome dos fillos deste, un xesto de cariño que repetiría en moitos títulos coa rapazada e a xente adulta que quería".

Os académicos inciden en que Mar adiante foi un título pioneiro na literatura infantil galega "co que María Victoria asinou para sempre o compromiso coa lingua galega e co público máis novo: a lingua para ela na creación literaria, e na vida, sería en diante sempre o galego e a gran maioría das obras que escribiría dedicaríaas á xente miúda e adolescente, se ben tamén escribiu poesía e relatos para o público adulto, ensaio e crítica literaria. Este conto de contos foi ademais un canto á renovación pedagóxica dunha profesora vocacional capaz de espertar vocacións literarias e conciencia lingüística nas aulas, porque aínda que era docente de Lingua e literatura castelá xa lles facía oco naqueles anos, nas clases dos venres, aos grandes nomes das letras galegas e á práctica da escrita en galego".

Destacan que a literatura infantil e xuvenil é tamén o terreo no que adoitan expresarse literariamente as académicas Marilar Aleixandre e Fina Casalderrey, que serán as encargadas de abriren o plenario o vindeiro día 17. Sinalan que Fina Casalderrey, que comparte tamén con María Victoria Moreno a condición de pontevedresa, "foi ademais alumna dela nos cursos de literatura galegas que impartiu como mestra de mestres nos primeiros anos 80. Ambas as académicas son ademais persoas moi vinculadas á xente nova desde o ámbito laboral: Marilar Aleixandre é catedrática ad honorem de Didáctica das Ciencias na Universidade de Santiago de Compostela e Fina Casalderrey foi mestra".

A RAG xa elexira o pasado mes de febreiro Pontevedra para abrir a súa programación do Ano María Victoria Moreno. Da man da comunidade educativa do CEP Marcos da Portela, a institución presentou a nova edición do proxecto web Primavera das Letras, centrado nos máis novos.