A Libraria Paz, unha das librarias máis antigas de Pontevedra é dirixida desde hai 30 anos por Ángel Paz, actual propietario e fillo dos fundadores, celebrará o seu 50 aniversario o día 29 de xullo. Ten o privilexio de ser a única libraría de Pontevedra que inclúe unha ampla sección de cómics, é ademáis unha das que ten máis fondos de toda Galicia.
-Cómo naceu a Libraria Paz?
-Naceu o 29 de xullo de 1967 e foi fundada por dúas persoas que chegaban emigradas dende Venezuela, Isidro e Dolores, os meus pais. Comezou sendo unha libraría papelería, na que traballaban materiais de oficina, escolar e artigos de natal, que era o que se levaba naquela época.
-Como se financiaban ao inicio?
-Ao comezo acudíamos a moitas ferias do libro no verán para financiarnos a través do diñeiro que gañábamos, e así é como conseguimos incorporar máis fondos ata o día de hoxe que somos unha das librarías que máis fondos temos de toda Galicia.
-Esta é a única libraría de Pontevedra que ten unha sección de cómics, cómo comezou esta idea?
-Eu sempre tiven como debilide os cómics, por iso tomei a decisión de incorporar pouco a pouco este mundo que a min tanto me gostaba na libraría.
-Tiveron algún tipo de competencia neste sector?
-Non, desde o inicio fomos a única libraría cunha sección para os cómics. É verdade que agora podes atopalos en calquera libraría porque xa non é descoñecido como era antes, pero ningunha ten unha sección exclusiva para esta.
-Como cambiou o sector do cómico neste anos?
-Cando comezamos a levar os cómics e libros de ficción ás feiras do libro os libreiros mirábannos como bichos raros. O motivo era que non había esa cultura , como pode haber hoxe, na que o cómic atópase xa inmerso na mente das persoas.
-Tendes clientes habituais dende hai moitos anos?
-Eu xa non os chamaría clientes, xa considero á maioría amigos. Temos a moita xente que entrou sendo un rapaz pequeno e agora é todo un home.
- De que forma van a celebrar o cincuenta aniversario dunha das librarías con máis prestixio de Pontevedra?
-Aínda non temos nada planeado. Xustamente este ano coinciden os días igual que hai 50 anos, cando os meus pais deixaron todo preparado o sábado 29 de xullo de 1967 e abriron o luns 31.
-Botando unha ollada cara o futuro, como o ve?
-Este mundo esta cambiando moito e son cada vez máis as librarías que van pechando. A día de hoxe os alugueres dos locais que son precisos para as librarías non compensan debido ao prezo elevado que piden por eles. Esta libraría sigue viva porque o local é da familia senón seguramente non existiría, polo menos non existiría con este fondo que temos.