Os actos de homenaxe ao Pai Paúl Francisco Carballo, no segundo cabodano da súa morte, culminaron cunha conferencia baixo o enunciado de "Francisco Carballo na memoria" a cargo de ex director de A Nosa Terra, Afonso Eiré, escritor e xornalista. O acto celebrouse no Museo Manuel Torres, organizada polo Clube de Opinión Portocelo de Marín.
Esta programación estivo organizada por un grupo de amigos do Pai Francisco Carballo, que por segundo ano quixo honrar a memoria do que fora profesor no colexio San Narciso. Francisco Carballo finou o 29 de novembro de 2014 na residencia dos Paúles de Salamanca.
Este programa acolleu a celebración de dúas misas en galego, unha na igrexa nova de Marín e outra na igrexa de Placeres.
