18 de noviembre de 2016

Tres días para gabarse da nosa cultura

Culturgal incluirá 101 espazos nos que se amosará o sector do libro, audiovisual, musical e teatral e completarase con 150 actividades

18.11.2016 | 02:59
Autoridades, organizadores e artistas, onte na presentación de Culturgal 2016. // Rafa Vázquez

A novena edición de Culturgal, a feira das industrias culturais galegas, celebrarase os vindeiros días 2, 3 e 4 de decembro no Pazo da Cultura. Participarán 81 entidades que se repartirán en 101 espazos ata ocupar todo o recinto feiral. En paralelo, desenvolverase unha intensísima programación con 150 actividades. O espectáculo central está previsto para a noite do sábado e correrá a cargo de Xosé Manuel Budiño, que presentará a nova versión remasterizada de "Paralaia" nun concerto que contará con Mercedes Peón como convidada especial. O prezo das entradas mantense en 2 euros para os adultos e 1 os nenos.

Dende as primeiras semanas de setembro, un mes antes do peche do prazo previsto inicialmente, todos os stands do Culturgal están vendidos. Un ano máis, haberá libros, música, cine, teatro, arte contemporánea, artesanía, novas tecnoloxías? Todo tipo de produtos, proxectos, servizos e iniciativas de entidades e profesionais baixo o lema "Cultura, Comunidade, Futuro".

Nos máis de 4.000 metros do recinto feiral repartiranse 101 stands e tamén serán escenario das 150 actividades previstas nun intensísimo fin de semana no que Culturgal agarda recibir máis de 15.000 visitantes.

De novo será un espazo de encontro e intermediación da industria coas institucións e público, un punto de encontro que tamén busca ser, lembrou o presidente da Asociación Culturgal, Manuel Bragado, "un espazo confortable, novidoso, unha comunidade diversa e plural capaz de contaxiar entusiasmo e orgullo colectivo".

Tres administracións, Xunta, Deputación e Concello, colaboran coa industria na celebración do Culturgal, un esforzo colectivo para amosar o presente e tamén o futuro da cultura galega, xa que se presentan na feira propostas e espectáculos que chegarán ao mercado no 2017. É o caso do concerto central, que protagonizará na noite do sábado Xosé Manuel Budiño e no que se celebrarán os 20 anos do seu primeiro disco en solitario, "Paralaia". Acompañarán ao gaiteiro os músicos da súa nova banda e Mercedes Peón como convidada especial.

Nunha edición, na que estará moi presente a lembraza ó recentemente falecido Fran Pérez, "Narf" (tanto Manuel Bragado coma Xosé Manuel Budiño fixeron referencia a esta perda para a música galega), tambén se reforzará a programación do venres co concerto inaugural de Sondeseu e convidados. Ao igual que o de Xosé Manuel Budiño, será un novo espectáculo (neste caso con casi 100 músicos no escenario) que estará de xira o vindeiro ano.

Outra das características da feira será a aposta polos distintos públicos, á cabeza o familiar, pero tamén os especializados e profesionais. Así, na xornada inaugural celebraranse encontros adicados á escena galega (un traballo colaborativo con axentes para mellorar a rede galega de teatros e auditorios); ao modelo de televisión pública autonómica; e ao borrador da nova lei de espectáculos e a seguridade nestes eventos públicos. Tambén se celebrará ese mesmo venres unha asamblea de xestores culturais.

No que se pretende que sexa "o mellor Culturgal na historia", en palabras de Manuel Bragado, de novo os nenos estarán entre os principais protagonistas, con ducias de actividades pensadas para eles. Haberá maxia, teatro, danza, monicreques etc, unha bebeteca para menores de 3 anos e un espazo de xogo activo para os cativos máis grandiños.

Outra das propostas para os nenos serán as experiencias con legumes que porán en marcha os profesionais do Consello Superior de Investigacións Científicas (CSIC), obradoiros titulados "Ciencia á feira".

O director da feira, Xosé Aldea, e o presidente da Asociación Culturgal acompañaron onte ao secretario xeral de Cultura, Anxo Lorenzo, á concelleira de Cultura de Pontevedra, Anxos Riveiro, e ao deputado provincial de Cultura, Xosé Leal, na presentación da feira, que terá ata 4 escenarios funcionando á vez.

No espazo libro haberá conversas de autores con xornalistas os tres días, que se sumarán a actuacións musicais, teatrais, presentación de audiovisuais e mesmo un restaurante ecolóxico sobre rodas.

Tampouco faltarán as artes plásticas, representadas pola exposición "Pegadas na terra" , que abrirá ata o mes de xaneiro e na que dezaoito creadores propoñen un diálogo contemporáneo coa natureza e o territorio.

Compartir en Twitter
Compartir en Facebook

Deportes Pontevedra

El Teucro sella el billete de vuelta a Asobal

A los azules, empujados por un excelso Pabellón Municipal, les valió el empate tras la derrota de...

El Celta B se impone afianzar su liderato ante el Boiro

El Celta B se impone afianzar su liderato ante el Boiro

El equipo busca un noveno triunfo consecutivo que le despegue de sus perseguidores, el Racing de...

La redención pasa por Pasarón

La redención pasa por Pasarón

El Pontevedra dispone hoy contra el Coruxo de una nueva oportunidad para acercarse más a la...

Fiesta en un Municipal que no dejó de creer

Fiesta en un Municipal que no dejó de creer

Tras un ascenso "en diferido" hace dos años, el Teucro lo celebró ayer ante su gente

Éxito total en la Pontevedra 4 Picos

Éxito total en la Pontevedra 4 Picos

A la tercera fue la vencida y el buen tiempo acompañó a una prueba que contó con más de millar y...

El Poio Pescamar da la campanada ante el líder

El Poio Pescamar da la campanada ante el líder

Este Poio Pescamar no se cansa de derrotar gigantes y ayer dio la sorpresa de la temporada al...

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine