O humorista gráfico de FARO, Luis Davila, inaugura esta noite unha exposición en Raxó, donde se poderá facer un percorrido polas súas viñetas máis exitosas. Poderase visitar a mostra no centro cultural Xaime Illa ata o 13 de maio, en horario de 16 a 22 horas.
A exposición "Luis Davila. A retranca dun país" arranca a súa andadura dentro do programa de actividades culturais que o departamento provincial de Cultura e Lingua está levando por tódolos concellos da provincia no marco do Ano Castelao. Ademáis das viñetas de Davila, a mostra conta tamén cunha audioguía ou signoguía á que se pode acceder ben a través da páxina web da Deputación, ou polo QR, e que foi elaborada en colaboración con Xoga para facilitar que as persoas con dificultades auditivas poidan acceder a contidos culturais en igualdade de condición que o resto da cidadanía.
A mostra une o traballo de Davila cunha disciplina artística que o propio Castelao desenvolveuao longo de toda a súa vida. Pártese de que nos anos 20 e 30 do pasado século, o ilustre galeguista colaborou nos diarios vigueses Faro de Vigo e Galicia coa publicación dunha serie de viñetas tituladas de modo xenérica "Cousas da vida", conectando esta actividade coa dun humorista gráfico como Luis Davila quen tamén transmite a realidade galega no seu traballo.
A inauguración será ás 20 horas, e contará coa presencia de Davila; a presidenta da Deputación, Carmela Silva; o deputado de Cultura e Lingua, Xosé Leal; o alcalde de Poio, Luciano Sobral; e a concelleira de Cultura, Silvia Díaz.
